کراچی میں اداکارہ سلومی عزیز کے بھائی مزاحمت پر ڈاکوؤں کے ہاتھوں قتل

کراچی کے علاقے جمشید کوارٹر میں گرومندر کے قریب ڈاکوؤں نےمزاحمت پر فائرنگ کرکے معروف اداکارہ سلومی عزیز کے بھائی کو قتل کردیا۔

مقتول حکمت کےپیشے سے وابستہ تھے اور انہیں مطب میں گولیوں کا نشانہ بنا یا گیا۔

 یہ بھی پڑھیے

این ای ڈی یونیورسٹی کا طالبعلم ڈکیتی مزاحمت پر قتل، ایک ملزم گرفتار

سی ویو پر کار میں لڑکی سے اجتماعی زیادتی ، 3ملزم رنگے ہاتھوں گرفتار

پولیس کے مطابق واردات جمشید کوارٹرز تھانے کی حدود میں گرومندر چوک ایدھی سینٹر کے قریب النور دوا خانہ پر  22 دسمبر کی شام ساڑھے 7 بجے ہوئی تھی۔ وقوعہ کے وقت جڑی بوٹی کا کام کرنے والے 55 سالہ عبدالوحید کو ان کی دکان میں گھس کر گولی مار دی گئی تھی۔

22 دسمبر کو کراچی میں گرومندر کے الشافعی دواخانہ میں قتل عبدالوحید اداکارہ سلومی عزیز کے بھائی تھے۔
واردات چند سیکنڈ میں ایک ملزم نے کی اور فرار ہوگیا۔
واردات ڈکیتی مزاحمت تھی یا دشمنی کا شاخسانہ
تنازعہ برقرار pic.twitter.com/ylzXwKxrZT

— Afzal Nadeem Dogar (@GeoDogar) December 25, 2022

سلومی کا کہنا ہے کہ کل بھائی کے سوئم کے بعد وہ بھرپور قانونی کارروائی کریں گی۔اس کے علاوہ واقعہ کا مقدمہ الشافعی دواخانہ کے مالک اور مقتول عبدالوحید کے بھائی توحید عزیز ہاشمی نے نامعلوم ملزم کے خلاف جمشید کوارٹر تھانے میں درج کرایا ہے۔مدعی کے مطابق فائرنگ کرنے والے دبلے پتلے نامعلوم ملزم نے پینٹ شرٹ پہن رکھی تھی۔

کلینک کے ملازم احمد کے مطابق دو لڑکے حکیم کے کلینک پر آئے اور کیش کاؤنٹر پر موجود مقتول سے گن پوائنٹ پر رقم مانگی جس پر احمد نے ملزمان پر برنی کھینچ کر ماری اور مقتول نے ایک ملزم کو پکڑنے کی کوشش کی جس پر ملزمان نے کیش کاؤنٹر پر موجود شخص کو گولی مار دی جب کہ کلینک پر موجود حکیم نور محمد محفوظ رہے۔

پولیس کے مطابق ابتدائی تفتیش کے دوران سی سی ٹی وی فوٹیج کے ذریعے یہ بات سامنے آئی ہے کہ دکان کے اندر سے کوئی چیز چھینی یا لوٹی نہیں گئی تھی۔پولیس نے بتایا کہ ملزمان 3/4 سیکنڈ میں واردات کرکے دکان سے چلا گیا تھا،آس پاس کے عینی شاہدین نے تصدیق کی کہ متوفی یا اس کی دکان سے کچھ بھی لوٹا نہیں گیا ہے۔

اداکارہ سلومی کے مطابق ان کے بھائی کو واردات کے دوران ڈاکوؤں نے قتل کیا جب کہ پولیس کا دعویٰ ہے کہ چند سیکنڈ میں ہوئی واردات کسی تنازع کا شاخسانہ لگتی ہے۔

اداکارہ سلومی کی جانب سے میڈیا پر بیان سامنے آیا ہے کہ ان کے بھائی عبدالوحید ہربل جڑی بوٹیوں کا کام کرتے تھے، انہیں ملزمان نے دکان میں گھس کر مزاحمت پر قتل کیا، ان کی یا بھائی کی کسی سے دشمنی نہیں جب کہ پولیس واقعہ کو دشمنی قرار  دے رہی ہے۔