جنید صفدر کی شادی پر تحریک انصاف کے حامیوں کا رنگ میں بھنگ

مسلم لیگ ن کی نائب صدر مریم نواز کے صاحبزادے جنید صفدر کی شادی لندن میں ہوگئی تاہم لینسبرو ہوٹل میں منعقدہ نکاح کی تقریب کے دوران پاکستان تحریک انصاف (پی ٹی آئی) کے حامیوں نے بھرپور احتجاج کیا۔

جنید صفدر کی شادی میں تحریک انصاف کے حامیوں نے رنگ میں بھنگ ڈال دیا۔ ایک طرف لندن کے لینسبرو ہوٹل میں شادی کا ہنگامہ جاری تھا تو دوسری جانب ہوٹل کے باہرمظاہرین کی جانب سے ن لیگ کے خلاف نعرے بلند کیے جارہے تھے۔ سوشل میڈیا پر کچھ ویڈیوز منظر عام پر آئیں جن میں پی ٹی آئی کے حامی ہوٹل کے داخلی دروازے پر جمع دکھائی دیئے لیکن ن لیگ کے اراکین جلد ہی ان پر غالب آگئے۔

Scenes outside Lanesborough hotel as a group attempted to disrupt Junaid Safdar’s nikkah event https://t.co/iAiVKkZQ66 pic.twitter.com/7aXlFOCFv5

— Murtaza Ali Shah (@MurtazaViews) August 22, 2021

ایک ویڈیو کلپ میں پی ٹی آئی سے تعلق رکھنے والی خاتون شادی کے اخراجات پر سوال اٹھاتی دکھائی دیں۔

PMLN Lion and PTI Tigress have a tense exchange after PTI supporters protest against Junaid Safdar’s wedding.

Video credit: @MurtazaViews #JunaidSafdar #MaryamNawaz #NawazSharif pic.twitter.com/8dh5okIg2k

— Hamza Azhar Salam (@HamzaAzhrSalam) August 22, 2021

ایک ٹیکسی ڈرائیور نے اپنے اہل خانہ کے ساتھ ہوٹل کے داخلی دروازے پر سابق وزیراعظم اور جنید صفدر کے نانا نواز شریف کے خلاف نعرے بازی کی ۔ دوسری جانب تحریک انصاف کے ایک حامی خود اپنی پارٹی سے ناراض نظر آئے، کہا کہ احتجاج کے لیے شام 5  بجے بلایا گیا تھا لیکن جب وہ آئے ہیں تو یہاں کوئی موجود نہیں ہے، کسی نے وقت کی پابندی نہیں کی۔

Chief organiser speaks to media pic.twitter.com/a7q01veHF6

— Murtaza Ali Shah (@MurtazaViews) August 22, 2021

واضح رہے مریم نواز اور کیپٹن صفدر کے بیٹے جنید صفدر کی شادی  احتساب  بیورو کے سابق چیئرمین سیف الرحمان کی بیٹی عائشہ سیف خان کے ساتھ ہوئی ہے۔ تقریب میں جنید صفدر کی والدہ مریم نواز تو موجود نہ تھیں لیکن نانا نواز شریف نے شادی میں شرکت کی۔ مریم نواز نے ٹوئٹر پر بیٹے کو شادی کی مبارکباد دی۔

اللّہ ہمیشہ خوش اور آباد رکھے ♥️🤲🏼 pic.twitter.com/AJTUzxl2xQ

— Maryam Nawaz Sharif (@MaryamNSharif) August 22, 2021