اداکار ول اسمتھ پر آسکر ایوارڈز کے دروازے 10سال کیلیے بند

دی اکیڈمی انتظامیہ نے آسکر  ایوارڈز2022 کی تقریب میں میزبان کرس راک کو تھپڑ مارنے پر  ہالی ووڈ کے آسکر ایوارڈ یافتہ معروف اداکار ول اسمتھ پرآسکر تقاریب میں شرکت  پر 10 سال کی پابندی عائد کردی ۔

غیرملکی میڈیا رپورٹس کے مطابق یہ اقدام اکیڈمی کے بورڈ ممبران کی 8 اپریل کو  ہونے والی ایک میٹنگ کے بعد سامنے آیا ہے جس میں یہ طے کیا گیا تھا کہ 27 مارچ کےآسکر کی تقریب میں پیش آئے واقعے کے تناظر میں اداکار کے خلاف  کارروائی کی جائے ۔

یہ بھی پڑھیے

تھپڑ تنازع: نیٹ فلکس نے ول اسمتھ کے پروجیکٹ مؤخر کردیے

اداکارہ نادیہ حسین نے ول اسمتھ کے تھپڑ کو درست قرار دیدیا

اکیڈمی ایوارڈز کے حکام کی جانب سے ایک بیان میں کہا گیا ہے کہ یہ ہمارے لیے دنیا بھر میں اپنے مہمانوں، ناظرین اور اپنی اکیڈمی فیملی کے لیے ایک مثال قائم کرنے کا ایک موقع تھا تاکہ آئندہ کوئی ایسی حرکت نہ  کرسکے۔

بیان میں کہا گیا کہ وِل اسمتھ کے رویے کے جواب میں ہم آج یہ کارروائی کر رہے ہیں جو ہمارے فنکاروں اور مہمانوں کی حفاظت کے ایک بڑے مقصد کی طرف ایک قدم ہے۔

اداکار ول اسمتھ نے اکیڈمی کے فیصلے کا احترام کرتے ہوئے اسے قبول کرنے کا اعلان کیا ہے۔یاد رہے کہ گزشتہ دنوں  اداکار کرس راک نے آسکر کی تقریب کےدوران اسٹیج پر ول اسمتھ کی  نے اہلیہ جوڈا پنکٹ کے سر کے بال جھڑنے پر ان کا مذاق اڑایا تھا جس پر ول اسمتھ نے  انہیں اسٹیج پر آکر بھری تقریب میں تھپڑ رسید کردیا تھا۔