الجزیرہ سروے میں وزیراعظم عمران خان پرسنیلٹی آف دا ویک
الجزیرہ نشریاتی ادارے کے ناظرین اور مداحوں نے اسلامو فوبیا کے خلاف آواز اٹھانے پر وزیراعظم عمران خان کو سب سے زیادہ ووٹ دیے ہیں۔
الجزیرہ نے اپنے ایک ٹی وی پروگرام کے سروے میں پاکستان کے وزیراعظم عمران خان کو اسلامو فوبیا کے خلاف آواز اٹھانے والی ’پرسنیلٹی آف دا ویک‘ (ہفتے کی شخصیت) قرار دیا ہے۔
قطر کے نشریاتی ادارے الجزیرہ ٹی وی کے ہفتہ وار پروگرام ’سباق الاخبار‘ ( خبروں کے مقابلے) میں حصہ لینے والے ناظرین نے وزیراعظم عمران خان کو اسلامو فوبیا کے مسئلے پر بات کرنے، اس کے حل تجویم کرنے اور اس کے لیے کوششیں کرنے پر سب سے زیادہ ووٹ دیے ہیں۔
یہ بھی پڑھیے
وبائی مرض کے دوران قاہرہ کا روایتی کھانا سحور
رحلة طويلة سلكها من ملاعب الكريكت إلى ميادين السياسة.. جمهور الجزيرة يعتبر رئيس الوزراء الباكستاني عمران خان شخصية الأسبوع الأبرز بعد دعوته حكومات الغرب إلى تجريم الإساءة للرسول الكريم | تقرير: أحمد جرار#سباق_الأخبار pic.twitter.com/ynarqEem7u
— قناة الجزيرة (@AJArabic) April 25, 2021
پروگرام کے دوران الجزیرہ چینل ہفتے کی 3 سے 4 بڑی خبروں کا انتخاب کرتا ہے اور پروگرام دیکھنے والے ناظرین کو خبروں کی محور شخصیات کے لیے ووٹنگ کرنے کو کہا جاتا ہے۔
الجزیرہ کے ناظرین اور مداحوں نے رواں ماہ 24 اپریل کو منعقد ہونے والے پروگرام ’سباق الاخبار‘ میں اسلامو فوبیا کے معاملے پر واضح موقف اختیار کرنے پر وزیراعظم عمران خان کو ’پرسنیلٹی آف دا ویک‘ (ہفتے کی شخصیت) کے طور پر ووٹ دیے ہیں۔
