فیصل واؤڈا کی گالیوں پر منصور علی خان کا دلیل سے جواب
صحافی منصور علی خان نے ایک وی لاگ میں سینیٹر فیصل واؤڈا کی غلط بیانی کو بے نقاب کیا تھا جس پر فیصل واؤڈا نے انہیں ٹویٹ کے ذریعے مغلظات بک دیں۔
صحافی منصور علی خان نے ایک وی لاگ میں سینیٹر فیصل واؤڈا کی غلط بیانی کو بے نقاب کیا تھا جس پر فیصل واؤڈا نے انہیں ٹویٹ کے ذریعے مغلظات بک دیں۔
Barking dogs seldom bite. Mansoor Ali Khan no bone 🦴 for you. Hush. . . chal bhag! @_Mansoor_Ali pic.twitter.com/eYvoFdPXoR
— Senator Faisal Vawda (@FaisalVawdaPTI) October 28, 2021
منصور علی خان نے اپنے ویڈیو لاگ میں بتایا تھا کہ فیصل واؤڈا کا یہ دعویٰ سراسر جھوٹ ہے کہ وزیراعظم عمران خان کو کالعدم تنظیم سے ہونے والے مذاکرات کے بارے میں معلوم نہیں تھا۔
فیصل واؤڈا نے سما ٹی وی کے پروگرام میں میزبان ندیم ملک کے سامنے انکشاف کیا تھا کہ کالعدم تحریک لبیک کے ساتھ ہونے والے پہلے معاہدے کے متعلق وزیراعظم لاعلم تھے۔
منصور علی خان نے گزشتہ روز شاہ زیب خانزادہ کے پروگرام میں مدعو وزیر داخلہ شیخ رشید کے بیان کی ویڈیو بھی اپنے وی لاگ میں شامل کی جس میں شیخ رشید یہ کہہ رہے ہیں کہ کالعدم تنظیم کے ساتھ ہونے والے معاہدے کی تحریری کاپی وزیراعظم عمران خان اور ان کے ملٹری سیکرٹری نے دیکھی اور اس کی منظوری دی جس کے بعد وہ معاہدہ عمل میں آیا۔
Mansoor Ali Khan’s reply to Faisal Vawda’s abuse on Twitter | Vawda’s lies exposed twice in 1 dayhttps://t.co/CJPRrDQrkn#MansoorAliKhan #PTI #PTIOfficial #ImranKhan #FaisalVawda #SheikhRasheed
(TEAM MAK) pic.twitter.com/CHkP6p7liw— Mansoor Ali Khan (@_Mansoor_Ali) October 29, 2021
منصور خان نے ڈان اخبار کی اس خبر کا بھی حوالہ دیا جس میں وزیر برائے مذہبی امور نور الحق قادری کا بیان شامل تھا، نور الحق قادری کا کہنا تھا کہ وزیراعظم عمران خان نے ان سے بذریعہ فون کالعدم تنظیم سے ملاقات کے ایجنڈے کے حوالے سے بات کی۔
دو وفاقی وزرا کے بیان کو اپنے وی لاگ کا حصہ بنا کر دلیل کے ساتھ بات کرنے والے منصور علی خان کو پی ٹی آئی رہنما فیصل واؤڈا نے گالیاں دیں۔
یہ وہی فیصل واؤڈا ہیں جو آئے دن اپنی لغو حرکتوں کی وجہ سے وزیراعظم عمران خان اور پارٹی کے لیے مسئلے کھڑے کرتے رہتے ہیں۔
ایک بار نجی ٹی وی کے پروگرام میں فیصل واؤڈا ناجانے کس دُھن میں تھے کہ اپنے خیالات کا اظہار کرتے ہوئے ٹیبل پر بوٹ رکھ دئیے۔
پارٹی قیادت کو سینیٹر فیصل واؤڈا کے خلاف سخت انضباطی کارروائی کرنی چاہیے تاکہ وہ آئندہ کسی بھی شخص کے خلاف ہتک آمیز رویہ اپنانے سے باز رہیں۔
