پشاور میں باپ بیٹی نے ایک ہی یونیورسٹی سے ایک ساتھ پی ایچ ڈی  کی ڈگری حاصل کرلی

خیبرپختونخوا میں پشاور انجینئرنگ یونیورسٹی  سے اسسٹنٹ پروفیسر ڈاکٹرمسعود خان اور ان کی بیٹی ڈاکٹر نادیہ مسعود نے ایک ہی دن  پی ایچ ڈی کی ڈگری حاصل کرکے تاریخ رقم کردی۔

پشاورانجینئرنگ یونیورسٹی کے اسسٹنٹ پروفیسر ڈاکٹرمسعود خان نے میکا ٹرانکس جب کہ ان کی بیٹی ڈاکٹر نادیہ مسعود نے الیکٹریکل انجینئرنگ میں پی ایچ ڈی کی ڈگری حاصل کی۔

یہ بھی پڑھیے

قائد عوام انجینئرنگ یونیورسٹی میں کروڑوں روپے کی کرپشن کا انکشاف

سینیٹ کمیٹی، وزیراعظم ہاؤس میں یونیورسٹی کے قیام کا بل مسترد

In this video who are the father and daughter who got PhD degree from University of Peshawar together?
Proud of Both👏 pic.twitter.com/rFTz1jIoXg

— Asma Afridi (@_AsmaAfridi) March 14, 2022

اس موقع پر پروفیسر ڈاکٹر مسعود خان  نے عوام پر زور دیا کہ وہ بیٹوں اور بیٹیوں میں تفریق نہ کریں بلکہ ان کی یکساں حمایت کریں۔  تاخیر سے پی ایچ ڈی مکمل کرنے پر وضاحت دیتے ہوئے انھوں نے کہا کہ کچھ گھریلو ذمہ داریوں کے باعث انہوں نے بروقت پی ایچ ڈی مکمل نہیں کی لیکن اب یہ اعزاز کی بات ہے کہ میں نے اپنی بیٹی کے ساتھ پی ایچ ڈی ڈگری حاصل کرلی۔ انہوں نے مزید کہا کہ مجھے جیسے ہی وقت ملا میں نے اپنا یہ خواب پورا کرلیا۔

دوسری جانب ان کی بیٹی ڈاکٹر نادیہ مسعود نے بتایا کہ پی ایچ ڈی ڈگری لینا آسان نہیں تھا مگر والد کی محنت اور سپورٹ کے باعث میں نے ڈاکٹریٹ کی ڈگری مکمل کی۔ دونوں کا کہنا تھا کہ بچوں کی تعلیم وتربیت میں لڑکے اور لڑکی میں کوئی فرق نہیں ہوناچاہیے۔