سستی شادی میں مہنگی شادی کے لوازمات

گزشتہ دنوں پاکستان میں ملک کی مہنگی ترین شادی کا بڑا چرچا رہا جس میں محض مرکزی تقریب کے انتظام اور تزین و آرائش پر ساڑھے 7  کروڑ روپے خرچ کیے گئے۔ لیکن اب سوشل میڈیا پر ایک ایسے جوڑے کی شادی کی تصاویر بڑی مقبول ہو رہی ہے جس نے سستی شادی کے تمام کاموں اور تقریبات پر صرف ایک لاکھ 15 ہزار روپے میں سر انجام دیئے۔

گزشتہ روز سماجی رابطوں کی ویب سائٹ ٹوئٹر پر اُن تصاویر کو بڑی تعداد میں پسند کیا گیا۔

تصاویر میں دیکھا جاسکتا ہے کہ کم خرچ یا سستی شادکے باوجود دولہا دلہن خوش و خرم رشتہ ازدواج سے منسلک ہوگئے ہیں۔

یہ بھی پڑھیے

مہنگی ترین شادیاں معاشی سرگرمیوں کے فروغ کا سبب

اس منفرد شادی میں موسیقی بھی تھی، رقص بھی کیا گیا. رسمیں بھی ادا کی گئیں اور کمرے کو سجایا بھی گیا۔

پوسٹ کے ذریعے یہی پیغام دیا گیا کہ خوشی کے موقع پر اپنوں اور گھروالوں کو بھی خوش رکھیں ناکہ ان سب کے لیے پریشانی کا باعث بنیں۔

آپ نے دو سو کروڑ کی شادی کا بہت چرچا سنا اس پر بہت سی تنقید ہوئی ہم نے وہی سارے کام اور فنکشن ایک لاکھ پندرہ ہزار میں سر انجام دے دئے
میوزک بھی ڈانس بھی رسمیں بھی کمرے میں سجاوٹ بھی
اور دلہا دلہن بھی دونوں خوش
شادی تو ایسے بھی ہو سکتی تو کیوں اس کو خوشی کی بجاے پریشانی بنائیں pic.twitter.com/xmMENLaNj6

— Khurram (@Khurram_zakir) November 16, 2020

سستی شادی کی ایک اور مثال

کچھ روز قبل سوشل میڈیا صارف طلحٰہ بھٹی نے بھی قائم کی تھی۔

انہوں نے سماجی رابطوں کی ویب سائٹ فیس بک پر اپنی اہلیہ کے ساتھ اپنی شادی کی

تصویرشیئر کی تھی اور لکھا تھا کہ ”نہ کوئی مایوں، نہ ڈھولکی، نہ مہندی، یہاں تک کہ نہ ہی بارات’ سادگی سے نکاح کیا۔‘‘

گھر میں چھوٹا سا فنکشن ہوا جس میں 10 سے 15 رشتہ دار شریک ہوئے اور پھر رخصتی ہوگئی۔ ولیمہ سنت ہے اس لیے ہم نے کچھ دیگیں تیار کروا کر غریبوں میں کھانا تقسیم کردیا۔