پاکستانی صحافی کی جانب سے بنگلہ زبان کا تمسخر

پاکستانی خاتون صحافی فوزیہ یزدانی اور مرتضیٰ سولنگی نے بنگلہ زبان کے مختلف الفاظ موسلی اور بھات کوتھائے کا تمسخر اڑایا ہے جس پر پاکستان کے ہی چند صحافیوں نے ان کا ساتھ دیا ہے اور ان کی حوصلہ افزائی کی ہے۔

صحافت ریاست کا چوتھا ستون ہے۔ صحافت سے وابستہ افراد کو چاہیے کہ وہ معاشرے کی اصلاح کے لیے اپنا بھر پور کردار ادا کریں اور اگر صحافی ہی کسی دوسرے کی مادری زبان کا مذاق بنائیں گے تو پھر انہیں اپنی حیثیت کا تجزیہ کرنا ہوگا۔

یہ بھی پڑھیے

عالمی بینک کے سراہنے پر احساس پروگرام تنازعات کا شکار

سماجی رابطوں کی ویب سائٹ ٹوئٹر پر ایک تصویر وائرل ہو رہی ہے جس میں وزیراعظم عمران خان اور وفاقی وزیر برائے اطلاعات و نشریات فواد چوہدری بیٹھے ہوئے دکھائی دے رہے ہیں۔ تصویر کے ساتھ لکھا ہے بنگلہ دیش سے فون آیا ہے وہ چاول کے ساتھ مچھلی بھی دے رہے ہیں۔

پاکستان کے معروف صحافی مرتضیٰ سولنگی نے وزیراعظم عمران خان کے دورہ سعودی عرب سے واپسی پر سماجی رابطوں کی ویب سائٹ ٹوئٹر پر ایک پیغام میں لکھا ہے کہ ’موسلی + بھات کوتھائے؟‘ یعنی مچھلی اور چاول کہاں سے مل سکتے ہیں؟

موسلی+بھات کوتھائے؟ https://t.co/W05yd3wv19

— Murtaza Solangi (@murtazasolangi) May 12, 2021

صحافی مرتضیٰ سولنگی نے اپنے ٹوئٹر پیغام میں بنگلہ زبان کے الفاظ موسلی اور بھات کا استعمال کیا ہے جن کا تمسخر اڑاتے ہوئے معروف خاتون پاکستانی صحافی فوزیہ یزدانی نے اپنے ٹوئٹر اکاؤنٹ پر لکھا ہے کہ ’میں چونکہ بنگلہ دیش میں خدمات سرانجام دے چکی ہوں اس لیے میں اپنی ہنسی روک نہیں پائی۔‘

Having served in Dhaka couldn’t resist the laugh thx to adaa @murtazasolangi pic.twitter.com/Byetuy2AnR

— Fauzia Yazdani (@yazdanifauzia) May 12, 2021

فوزیہ یزدانی کے ٹوئٹ پر ردعمل دیتے ہوئے ایک صحافی عباس ناصر نے بھی مذاق اڑایا۔‘

Lol

— Abbas Nasir (@abbasnasir59) May 12, 2021

بیشتر سوشل میڈیا صارفین کا کہنا ہے کہ ’موسلی اور بھات بنگلہ زبان کے الفاظ ہیں جن کے معنی مچھلی اور چاول ہیں تاہم کسی کو یہ حق نہیں پہنچتا کہ وہ کسی کی بھی مادری زبان کا مذاق بنائیں۔ صحافی برداری سے تعلق رکھنے والے افراد کو کسی صورت بھی یہ بات زیب نہیں دیتی کہ وہ کسی بھی مادری زبان کا تمسخر اڑائیں۔‘