نور مقدم کی سالگرہ پر بہن کی رنجیدہ تحریر

سارہ مقدم نے لکھا کہ سالگرہ مبارک ہو نورا بابا، میں کئی دفعہ تمہیں سالگرہ کی مبارک باد دینے کے لیے کچھ لکھنے بیٹھی لیکن الفاظ اکٹھے نہیں کر پائی۔

اسلام آباد میں چند ماہ قبل اپنے دوست کے ہاتھوں قتل ہونے والی نور مقدم کی آج سالگرہ ہے۔ جسٹس فار نور نامی ٹوئٹر ہینڈل سے نور مقدم کی تصویر شیئر کی گئی ہے جس میں وہ کیک کاٹ رہی ہیں۔

نور کی بہن سارہ مقدم نے بھی اپنے انسٹاگرام اکاؤنٹ سے نور مقدم کو دکھی دل کے ساتھ سالگرہ کی مبارکباد دی۔ سارہ نے ایک نوٹ بھی لکھا کہ سالگرہ مبارک ہو نورا بابا، میں کئی دفعہ تمہیں سالگرہ کی مبارک باد دینے کے لیے کچھ لکھنے بیٹھی لیکن الفاظ اکٹھے نہیں کر پائی۔ میں نے کبھی نہیں سوچا تھا کہ میں تمہاری 28ویں سالگرہ پر روبرو مبارک باد دینے کے بجائے نوٹ لکھوں گی۔

یہ بھی پڑھیے

ہائی کورٹ کا نور مقدم کیس کا ٹرائل 8 ہفتوں میں مکمل کرنے کا حکم

نور مقدم کے لواحقین کا انصاف کی فراہمی کے لیے احتجاج

سارہ نے مزید لکھا ہے کہ ہم لوگ بہت دکھی ہیں نور، میں ہر جگہ تمہیں تلاش کرتی ہوں۔ میں اب بھی یہ ماننے کو تیار نہیں کہ تم ہمیں چھوڑ کر جاچکی ہو۔

 

View this post on Instagram

 

A post shared by Sara Mukadam (@sara_mukadam)

ٹوئٹر صارفین نے بھی نور مقدم کی سالگرہ کے موقع پر افسوس کا اظہار کیا ہے۔

یاد رہے کہ نور مقدم کے قتل کا مقدمہ سپریم کورٹ میں زیر سماعت ہے۔ انہیں رواں سال 20 جولائی کو ان کے دوست ظاہر جعفر نے تیز دھار آلے سے قتل کردیا تھا۔

متعلقہ تحاریر