ٹی ٹوئنٹی ورلڈ کپ:نیوزی لینڈ کا اسکاٹ لینڈ کو 173 رنز کا ہدف
اسکاٹ لینڈ نے ٹاس جیت کر پہلے فیلڈنگ کا فیصلہ کیا تھا۔
آئی سی سی ٹی 20 ورلڈ کپ 2021 کے سپر 12 مرحلے کے 20ویں میچ میں نیوزی لینڈ نے اسکاٹ لینڈ کو جیت کے لیے 173 رنز کا ہدف دیا ہے۔ اسکاٹ لینڈ نے ٹاس جیت کر پہلےفیلڈنگ کا فیصلہ کیا تھا۔
متحدہ عرب امارات میں جاری ٹی ٹوئنٹی ورلڈ کپ ٹورنامنٹ کے اہم میچ میں نیوزی لینڈ نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 172 رنز بنائے۔ مارٹن گپٹل نے 56 گیندوں پر 6 چوکوں اور 7 چھکوں کی مدد سے 93 رنز کی شاندار اننگز کھیلی۔
یہ بھی پڑھیے
بابر اعظم نے ویرات کوہلی سے ایک اور ریکارڈ چھین لیا
نیوزی لینڈ کی جانب سے مارٹن گپٹل اور ڈیرل مچل نے اننگز کا آغاز کیا۔ 35 کے اسکور پر نیوزی لینڈ کی پہلی وکٹ پویلین لوٹ گئی جب ڈیرل مچل 11 گیندوں پر 13 رنز بنا کر آؤٹ ہو گئے۔ دوسرے آؤٹ ہونے والے کھلاڑی کین ویلیم سن تھے وہ بغیر کوئی رن بنائے آؤٹ ہوئے۔ ڈیون کونوے 3 گیندوں پر 1 رن بنا کر ہمت ہار گئے اور آؤٹ ہوکر واپس پویلین لوٹ گئے۔
New Zealand set Scotland a target of 173 🎯
Martin Guptill (93) top scores for the @BLACKCAPS. #T20WorldCup | #NZvSCO | https://t.co/CIpjB9NXlM pic.twitter.com/gMS4ZaK61S
— ICC (@ICC) November 3, 2021
نیوزی لینڈ کے چوتھے آؤٹ ہونے والے کھلاڑی گلین فلپس تھے انہوں نے 37 گیندوں پر 33 رنز بنائے۔ 157 کے مجموعی اسکور پر مارٹن گپٹل آؤٹ ہوئے۔
اسکاٹ لینڈ کی جانب سے بریڈ ویل اور سفیان شریف نے دو دو کھلاڑیوں کو آؤٹ کیا جبکہ مارک واٹ کے حصے میں ایک وکٹ آئی۔
اسکواڈز
نیوزی لینڈ: 1. کین ولیمسن (کپتان) 2. ڈیرل مچل 3. مارٹن گپٹل 4. ڈیون کونوے (WK) 5. جیمز نیشم 6. گلین فلپس 7. مچل سینٹنر 8. ایڈم ملنے 9. ٹم ساؤتھی 10. ای ایس سودھی 11۔ ٹرینٹ بولٹ
سکاٹ لینڈ: 1. کیلیگ کوٹزر (کپتان) 2. جارج منسی 3. میتھیو کراس (ڈبلیو کے) 4. رچی بیرنگٹن 5. کالم میکلوڈ 6. مچل لیسک 7. کرس گریوز 8. مارک وائٹ 9. شافین شاریپ 10. الاسڈیر ایونز 1. بریڈلی وہیل
