بچوں نے کراچی کے ساحل سمندر سے کچرا صاف کردیا
خاتون شہری ساحل سمندر کی صفائی کے لیے اپنے چھوٹے بھتیجوں کے ہمراہ پہنچ گئیں۔
![ساحل سمندر-seaview](https://news360.tv/wp-content/uploads/2021/11/ساحل-سمندر.jpg)
ٹوئٹر پر ایک صارف ماہرہ عمر نے کراچی کے ساحل سمندر کی چند تصاویر شیئر کرکے وہاں میلوں تک پھیلے کچرے پر افسوس کا اظہار کیا۔
A city of 25 million human residents, so accepting of a noisy, garbage strewn and raw sewage laden beach. It’s about time Karachi’s Seaview is declared an ecological disaster zone and shut down for an urgent non-mechanical cleanup and rehabilitation. pic.twitter.com/V9V8HxYunP
— Mahera Omar (@afewmofilms) November 3, 2021
انہوں نے لکھا کہ وقت آگیا ہے کہ کراچی کے ساحل سمندر کو ماحولیاتی المیہ قرار دے کر بند کردیا جائے اور اس دوران اس کی صفائی ستھرائی اور بحالی کا کام کیا جائے۔
ماہرہ نے لکھا کہ شہر میں شام کے وقت کو فطرت سے قریب تر گزارنا چاہتی تھی اور یہ خواہش مجھے ساحل سمندر کے کنارے لے آئی جہاں سیوریج کی یہ نہر جا رہی ہے۔
An evening’s escape to nature in the city brought me across a raw sewage stream at Seaview beach, one of the many delights of living in Karachi. pic.twitter.com/5oCQpSdSDk
— Mahera Omar (@afewmofilms) November 3, 2021
انہوں نے کئی تصاویر شیئر کیں جس میں کراچی سی ویو پر ہر طرف کچرے کے انبار نظر آرہے ہیں۔
ماہرہ عمر نے صرف تصاویر شیئر کرکے خود کو بحیثیت شہری ذمہ داری سے بری الذمہ نہیں کیا بلکہ اگلے ہی روز وہ اپنے چھوٹے بھتیجوں اور چند دیگر فیملی میمبرز کے ہمراہ دوبارہ ساحلِ سمندر جا پہنچیں۔
So, some of us Karachi residents went for a bit of beach cleaning this evening. Join us early on Saturday morning to see the scope of the problem. The @LastEarthlings have been raising awareness about clean beaches since a couple of years now. pic.twitter.com/4lS16wncyf
— Mahera Omar (@afewmofilms) November 4, 2021
ویڈیو میں دیکھا جا سکتا ہے کہ تین چھوٹے معصوم بچے ساحل سمندر سے کچرا سمیٹ رہے ہیں۔
ماہرہ عمر نے اور ان بچوں نے صحیح معنوں میں کراچی کو ‘own’ کیا۔ تھوڑا ہی صحیح مثبت کام کیا۔ کیا ہی اچھا ہو اگر ہر شہری اپنی ذمہ داری کا احساس کرتے ہوئے اتنا حصہ ضرور ڈالے کہ آئندہ جب کبھی ساحل سمندر جائے تو وہاں پر کچرا پھیلا کر نہ آئے۔
ان چھوٹے بچوں کو ساحل سمندر پر دوسرے لوگوں کا پھیلایا ہوا کچرا سمیٹتے دیکھ کر سب شہریوں کی غیرت جاگ جانی چاہیے، خاص طور پر سندھ حکومت کی بھی کہ وہ ساحل پر صفائی کا مناسب انتظام کرے اور بڑھتے ہوئے کچرے کا تدارک کرے۔