عبداللہ شفیق بلے بازی کے ساتھ سُروں کے بھی پکے نکلے
عبداللہ شفیق کو ویڈیو میں دیکھا جاسکتا ہے کہ وہ گانے کے ساتھ ساتھ عمدہ انداز میں گٹار بھی بجارہے ہیں ۔
پاکستان ٹیم کے نوجوان اوپننگ بیٹسمین اور کراچی ٹیسٹ میں آسٹریلیاکے خلاف چوتھی اننگز میں 500 سے زائد گیندوں پر مشتمل شراکت کا نیا ریکارڈ بنانے والے والے عبداللہ شفیق ایک بہترین بلے باز تو ہیں ہی لیکن حالیہ ہی ان کا ایک اور ٹیلنٹ عوام کے سامنے آیا ہے جس پر مداح حیرات انگیز خوشی کا اظہا رکرتے ہیں۔
سماجی رابطوں کی ویب سائٹ ٹوئٹرپر پاکستان ٹیم کے نوجوان اوپننگ بیٹسمین عبداللہ شفیق کی ایک ویڈیو شیئر کی گئی ہے جس میں انھیں بھارتی اداکار عمران ہاشمی کی فلم "آوارہ پن ” کا گانا تیرا میرا رشتہ پرانا گاتے دیکھا جاسکتا ہے جبکہ گانے کے ساتھ ساتھ عبداللہ شفیق گٹار بھی بجارہے ہیں ۔
یہ بھی پڑھیے
کراچی ٹیسٹ: بابر اعظم اور عبداللہ شفیق آسٹریلوی باؤلرز کے سامنے ڈٹ گئے
بابر اعظم کراچی ٹیسٹ نہ جتوا سکے شائقین کے دل جیت لیے
Abdullah Shafique as a batsman & as a singer is 10/10 ✨ pic.twitter.com/I1AFGTeRDV
— Humna. (@Humnayyy) March 15, 2022
واضح رہے کہ پاکستان ٹی ٹوئنٹی کپ میں اپنے پہلے ٹی ٹوئنٹی میچ میں سنچری کرنے والے عبداللہ شفیق نے آتے ہی کرکٹ کے پنڈتوں کو اپنی صلاحیتوں سے حیران کردیا تھا انھوں نے سینٹرل پنجاب کی جانب سے حریف ٹیم سدرن پنجاب کے خلاف کھیلتے ہوئے چار چھکے اور 11 چوکوں کی مدد سے صرف 89 گیندوں پر 102 رنز کی ناقابل شکست اننگز کھیل کر سب کو حیران کردیا تھا ۔ اس کے علاوہ گذشتہ روز کراچی ٹیسٹ کی چوتھی اننگز میں عبداللہ شفیق نے بابراعظم کی شراکت 500 سے زائد گیندوں پر مشتمل تھی جو کسی بھی ٹیسٹ میں گیندوں کے اعتبار سے چوتھی اننگز کی سب سے بڑی شراکت رہی۔ اس سے قبل چوتھی اننگز میں بھارت کے راہول ڈریوڈ اور دیپ داس گپتا کی جوڑی 500 گیندوں تک رہی تھی۔ بھارتی جوڑی نے 2001 میں جنوبی افریقا کے خلاف یہ کارنامہ انجام دیا تھا۔
