آرمی چیف کے خلاف غلیظ مہم کی بھرپور مذمت کرتے ہیں، وزیراعظم شہباز شریف
شہباز شریف کا کہنا ہے کہ عمران خان اداروں اور ان کے سربراہوں کو اپنی گندی سیاست میں گھسیٹ کر آئین شکنی کررہے ہیں۔
وزیراعظم شہباز شریف نے افواج پاکستان اور اس کے سربراہ خلاف بیرون ملک غلیظ مہم چلانے کی شدید الفاظ میں مذمت کی ہے۔
وزیراعظم شہباز شریف نے اپنے مذمتی بیان میں کہا ہےکہ آرمی چیف جنرل عاصم منیر کے خلاف غلیظ مہم پاکستان کے سیکورٹی اداروں کے خلاف سازش کا تسلسل ہے۔
یہ بھی پڑھیے
اسلام آباد و لاہور میں پی ٹی آئی کے خلاف کریک ڈاؤن؛ حسا ن نیازی سمیت متعدد گرفتار، عمران خان کی مذمت
فارن فنڈنگ کیس: نیب نے عمران خان کو 21 مارچ کو طلب کرلیا
شہباز شریف نے اپنے بیان میں محب وطن پاکستانیوں کو مخاطب کرتے ہوئے کہا ہے کہ بیرون ممالک میں موجود پاکستانی فارن فنڈڈ مہم کے خلاف موثر آواز بلند کریں۔ زہریلی سیاست کے مہرے بیرون ملک میں فوج کے خلاف غلیظ مہم چلا رہے ہیں۔ بیرون ممالک میں موجود پاکستانی اس غلیظ مہم کا حصہ نہ بنیں۔
This man Niazi is stooping to unprecedented lows in his desperation for power & going to the extent of damaging the country & undermining our armed forces & their leadership. /2 https://t.co/Tt1SfhylXv
— Shehbaz Sharif (@CMShehbaz) March 20, 2023
شہباز شریف کا مزید کہنا ہے کہ عمران خان اداروں اور ان کے سربراہوں کو اپنی گندی سیاست میں گھسیٹ کر آئین شکنی کررہے ہیں۔
وزیر داخلہ رانا ثناء اللہ کو ہدایت جاری کرتے ہوئے شہباز شریف نے کہا ہے کہ ملک کے اندر اداروں کے خلاف مہم کو آہنی ہاتھوں سے کچلیں۔
شہباز شریف نے کہا ہے کہ پاکستان میں افراتفری ، فساد اور بغاوت کو ہوا دینے والوں کے خلاف سخت قانونی کارروائی کی جائے ، تاریخ میں پہلی بار میرٹ پر لگنے والے آرمی چیف کے خلاف مہم دشمنوں کا ایجنڈا ہی ہوسکتا ہے۔
شہباز شریف کا کہنا تھا کہ قوم اپنے اداروں کے ساتھ کھڑی ہے ، شرپسندوں کے خلاف متحد اور متحد ہوکر ہی ہم ان دشمن عناصر کا مقابلہ کرسکتے ہیں۔
