سلطان النیادی خلا میں چہل قدمی کرنے والے پہلے مسلمان اور عرب خلانورد بن گئے

متحدہ عرب امارات (یو اے ای) کے خلاباز سلطان النیادی نے  خلا میں چہل قدمی کرنے والے پہلے عرب خلانورد ہونے کا اعزاز حاصل کرکے تاریخ رقم کردی۔

41 سالہ النیادی یو اے ای سے خلا میں جانے والے دوسرے تاہم وہ امریکی سرزمین سے طویل خلائی مشن کے لیے اڑان بھرنے والے پہلے اماراتی خلاباز ہیں۔

یہ بھی پڑھیے

ناسا کے چاند مشن کیلیے پہلی مرتبہ خاتون اور سیاہ فام مرد خلاباز کا انتخاب

امریکی اور جاپانی خلا بازوں نے بین الاقوامی خلائی اسٹیشن سسٹم اپ گریڈ کردیا

دبئی میں متحدہ عرب امارات کے خلائی پروگرام کے ادارے محمد بن راشد اسپیس سینٹر کی جانب سے النیادی کی خلا میں چہل قدمی کے مناظر کو براہ راست نشر کیاگیا۔

Astronaut Sultan AlNeyadi egresses the International Space Station starting the first Arab spacewalk in history.#ZayedAmbition#FirstArabSpacewalk pic.twitter.com/pf9iXJW4c8

— MBR Space Centre (@MBRSpaceCentre) April 28, 2023

متحدہ عرب امارات کے نائب صدر، وزیراعظم اور دبئی کے حکمران  شیخ محمد بن راشد المکتوم نے  خلا میں چہل قدمی کرنے والے پہلے مسلمان، پہلے عرب اور پہلے اماراتی شہری بننے کا اعزاز حاصل کرنے پر النیادی کو مبارکباد دی ہے۔

بعد ٣ سنوات من التدريب المكثف .. رأينا اليوم سلطان النيادي في أول مهمة للسير في الفضاء الخارجي.. وتنفيذ مهمات لتركيب أجزاء جديدة وإجراء صيانة في محطة الفضاء الدولية .. أول إماراتي .. أول عربي .. أول مسلم .. يسير في الفضاء الخارجي .. فخورين بذلك .
يقولون بأن ثلثي نجوم السماء… pic.twitter.com/acxJvVGNDy

— HH Sheikh Mohammed (@HHShkMohd) April 28, 2023

یو اے ای کی سرکاری خبر رساں ایجنسی ’’وام‘‘ کے مطابق خلا  باز  کا خلائی سٹیشن کی دیکھ بھال اور معلومات کے حصول کے لیے اسپیس شپ یا خلائی اسٹیشن سے باہر نکل کر خلا میں چہل قدمی کرنا ایک معمول کی کارروائی ہے۔یہ خلائی چہل قدمی مشن تقریباً ساڑھے چھ گھنٹے تک جاری رہا اور اس میں ناسا کے فلائٹ انجینئر اسٹیفن بوون سلطان النیادی کے ہمراہ  تھے۔

النیادی کو خلائی اسٹیشن کے پاور جنریشن سسٹم کو اپ گریڈ کرنے اور ایک بڑے مواصلاتی آلات کی بازیافت کے لیے خلائی چہل قدمی کے لیے ناسا کے خلاباز اسٹیفن بوون کے ساتھ اس مشن میں شامل کیا گیا تھا۔

Today’s spacewalk is officially underway! The two astronauts have switched their spacesuits to battery power. Steve Bowen of @NASA_Astronauts and @Astro_Alneyadi will route power cables to prepare for future power system upgrades outside the @Space_Station. pic.twitter.com/EH8Hw7Xp2m

— NASA (@NASA) April 28, 2023

 خلائی چہل قدمی کے لیے خلاباز انتخاب کے سخت عمل سے گزرتے ہیں اور انہیں انجینئرنگ، روبوٹکس اور لائف سپورٹ سسٹم جیسے مختلف شعبوں میں غیر معمولی تربیت دی جاتی ہے۔

سلطان النیادی نے خلائی چہل قدمی کی تیاری کے لیے ہیوسٹن، ٹیکساس میں جانسن اسپیس سینٹر میں ناسا کی نیوٹرل بوائینسی لیبارٹری میں 55 گھنٹے سے زیادہ تربیت حاصل کی ہے۔

سلطان النیادی 2 مارچ کو فلوریڈا میں ناسا کے کینیڈی اسپیس سینٹر سے چھ ماہ کے خلائی مشن کے لیے روانہ ہوئے تھے۔ وہ اس سائنس مشن کے دوران خلاء میں انسانی خلیوں کی نشوونما سے لے کر مائیکرو گریوٹیی میں آتش گیر مادوں کو کنٹرول کرنے تک کے تجربات کریں گے۔