حماس نے مزید 2 یرغمالیوں کو رہائی دیدی

حماس نے مزید 2 اسرائیلی یرغمالیوں کو رہائی دیدی، دونوں خواتین کی عمریں تقریباً 80 برس ہیں۔

غیرملکی میڈیا کے مطابق دونوں خواتین کو رفاہ کراسنگ سے اسرائیل منتقل کردیا گیا جس کی اسرائیلی میڈیا نے بھی تصدیق کردی ہے۔

خبر رساں اداروں کے مطابق رہا ہونی والی دونوں خواتین کے شوہر تاحال یرغمال ہیں۔

فلسطین کی مزاحمتی تنظیم اس سے پہلے امریکی خاتون اور اس کی بیٹی کو بھی رہائی دے چکی ہے۔

رفح کراسنگ، امدادی سامان کے مزید 20 ٹرک غزہ میں داخل، یو این

دوسری جانب غزہ میں اسرائیل کے وحشیانہ حملے جاری ہیں، شہید فلسطینیوں کی تعداد 5 ہزار سے زائد ہوگئی ہے۔

شہدا میں 2 ہزار سے زائد بچے اور گیارہ سو سے زائد خواتین بھی شامل ہیں۔

امریکی صدر کے بعد برطانوی وزیراعظم نے بھی غزہ کے اسپتال پر حملے میں اسرائیل کو کلین چٹ دے دی ہے۔

روسی وزیر خارجہ سرگئی لاوروف کہتے ہیں کہ اسرائیل فلسطین تنازع کو یکطرفہ حل کرنے کوششیں صورتحال بگاڑ سکتی ہیں، اسرائیل فلسطین کشیدگی میں فوری جنگ بندی کی ضرورت ہے۔