آمدن سے زائد اثاثہ جات؛وزیراعظم کے مشیر احد چیمہ مقدمے سے بری

احتساب عدالت نے وزیراعظم کے مشیر احد چیمہ کو آمدن سے زائد اثاثہ ریفرنس سے بری کردیا۔

وزیراعظم کے مشیر احد چیمہ کے خلاف آمدن سے زائد اثاثہ جات ریفرنس پر سماعت احتساب عدالت لاہور میں ہوئی، جہاں احد چیمہ نے جج ملک علی ذوالقرنین اعوان کے روبرو پیش ہوکر حاضری مکمل کروائی، جس کے بعد سماعت کچھ دیر کے لیے ملتوی کردی گئی۔

یہ بھی پڑھیں: آمدن سے زائد اثاثہ کیس؛ احد چیمہ کی بریت کی درخواست پر فیصلہ محفوظ
بعد ازاں احتساب عدالت نے وزیراعظم کے مشیر احد چیمہ کی بریت کی درخواست منظور کرتے ہوئے انہیں آمدن سے زائد اثاثہ جات کیس میں بری کردیا۔ عدالت نے گزشتہ سماعت پر فیصلہ محفوظ کیا تھا۔ دوران سماعت نیب کی جانب سے رپورٹ بھی عدالت میں جمع کروائی گئی۔