محمد حفیظ میلبرن سے سڈنی جاتے ہوئے ایئر پورٹ پر فلائٹ مس کر گئے

پاکستان کرکٹ ٹیم کے ڈائریکٹر محمد حفیظ میلبرن سے سڈنی جاتے ہوئے ایئر پورٹ پر فلائٹ مس کر گئے۔

ذرائع کے مطابق محمد حفیظ چند گھنٹے بعد دوسری فلائٹ سے سڈنی پہنچے، حفیظ نے پاکستان ٹیم کے ساتھ سڈنی سفر کرنا تھا۔

محمد حفیظ کی اہلیہ کی نشست بھی اسی فلائٹ میں بک تھی، محمد حفیظ اپنی اہلیہ کے ساتھ میلبرن ایئر پورٹ پر تاخیر سے جہاز تک پہنچے۔

دورۂ آسٹریلیا میں ٹیم مینجمنٹ کا کھلاڑیوں پر گہری نظر رکھنے کا فیصلہ

ایئر لائن کے عملے نے محمد حفیظ اور ان کی اہلیہ کو جہاز پر سوار نہیں ہونے دیا، تاخیر کی وجہ سے پاکستان ٹیم کے جہاز کے دروازے بند ہو گئے تھے۔

پاکستان کرکٹ ٹیم کے ڈائریکٹر محمد حفیظ اہلیہ کے ساتھ ایئر پورٹ پر تھے لیکن وہ ٹائم نہ دیکھ سکے۔

پاکستان کرکٹ ٹیم کے ڈائریکٹر محمد حفیظ جو کھلاڑیوں کے خلاف کوڈ آف کنڈکٹ پر جرمانوں کا اعلان کر چکے ہیں، انہوں نے خود ہی ڈسپلن توڑ دیا۔