شمالی وزیرستان میں سیکیورٹی فورسز کی کارروائی میں 6 دہشتگرد ہلاک
![سیکورٹی فورسز شمالی وزیرستان میں کارروائی](https://news360.tv/wp-content/uploads/2022/12/بنوں-میں-سیکورٹی-فورسز-کا-آپریشن.jpg)
شمالی وزیرستان میں سیکیورٹی فورسز کی کارروائی میں 6 دہشت گرد ہلاک ہوگئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے دہشت گردوں کی موجودگی کی اطلاع پر شمالی وزیرستان میں آپریشن کیا جس میں 6 دہشت گرد ہلاک ہونے کی تصدیق کی۔ ۔
آئی ایس پی آر کے مطابق کارروائی میں ایک سپاہی زخمی ہوا ہے جبکہ ہلاک دہشت گردوں کے قبضے سے اسلحہ، گولہ بارود اور دھماکا خیز مواد برآمد کرلیا۔ علاوہ ازیں آئی ایس پی آر نے بتایا کہ ہلاک دہشت گرد ٹارگٹ کلنگ، بھتہ خوری اور معصوم شہریوں کے اغوا میں ملوث تھے۔