چِل گریٹا کے بعد چِل ڈونلڈ چِل

ماحولیات پر کام کرنے والی سرگرم کم سن کارکن گریٹا تھنبرگ نے اپنے ٹوئٹ میں امریکی صدر ڈونلڈ ٹرمپ کو اُن ہی کے الفاظ یاد دلا دیئے۔

پچھلے سال گریٹا کی تصویر ٹائم میگزین میں شائع ہونے پر صدر ٹرمپ اور گریٹا کے درمیان سوشل میڈیا پر بحث چھڑگئی تھی۔

ڈونلڈ ٹرمپ نے12 دسمبر 2019 کو ٹوئٹ کیا تھا کہ گریٹا کو پہلے اپنے غصے پر قابو پانے کے لیے کام کرنا چاہیے اور پھر کسی دوست کے ساتھ ایک پرانی فلم دیکھنے کے لیے جانا چاہیے۔

ٹوئٹ کے آخر میں ٹرمپ نے گریٹا کو ‘چِل’ کرنے کا مشورہ بھی دیا تھا۔

So ridiculous. Greta must work on her Anger Management problem, then go to a good old fashioned movie with a friend! Chill Greta, Chill! https://t.co/M8ZtS8okzE

— Donald J. Trump (@realDonaldTrump) December 12, 2019

اب جبکہ صدارتی انتخاب کے حوالے سے جو بائیڈن ٹرمپ کو ٹف ٹائم دے رہے ہیں تو ٹرمپ بھی گڑبڑا گئے ہیں ۔ ٹرمپ نے ٹوئٹ کردیا  کہ ووٹوں کی گنتی روکی جائے ۔

بس پھر کیا تھا گریٹا تھنبرگ نے موقع ملتے ہی حساب برابر کرلیا۔ سوئیڈش طالبہ نے ٹرمپ کو انتخابی نتائج پر ٹھنڈا رہنے اور غصے کو قابو میں رکھنے پر زور دیتے ہوئے ان کا 11 ماہ پرانا پیغام شیئر کردیا۔ جس کے آخر میں انہوں نے بھی ’چِل ڈونلڈ چِل‘ لکھا۔

So ridiculous. Donald must work on his Anger Management problem, then go to a good old fashioned movie with a friend! Chill Donald, Chill! https://t.co/4RNVBqRYBA

— Greta Thunberg (@GretaThunberg) November 5, 2020