سینیٹری پیڈز، ڈائپرز اور انکے خام مال کی درآمد پر پابندی نہیں، وزیرخزانہ
صرف کچھ پرتعیش اور غیر ضروری اشیا کی درآمد پر پابندی لگائی گئی ہے، حکومت آج باضابطہ وضاحت جاری کردے گی، مفتاح اسماعیل
وزیر خزانہ مفتاح اسماعیل نے سینیٹری پیڈز ، ڈائپرز اور ان کے خام مال کی درآمد پر پابندی سے متعلق خبروں کی تردیدی کردی۔
وزیرخزانہ نے کہا ہے کہ حکومت اس حوالے سے آج باقاعدہ وضاحت جاری کردے گی۔
یہ بھی پڑھیے
حکومت کا 2لاکھ ٹن یوریا کھاد اور 30 لالکھ ٹن گندم درآمد کرنے کا فیصلہ
اپریل کے مہینے میں مہنگائی کی شرح میں 13.4 فیصد اضافہ ریکارڈ
مسلم لیگ ن کی رکن قومی اسمبلی اور وزیردفاع خواجہ آصف کی صاحبزادی شزا فاطمہ نے ٹوئٹر پر سینیٹری پیڈز کے خام مال کی درآمد پر پابندی سے متعلق شیئر کی جانے والی خبر پر تبصرہ کرتے ہوئے وزیرخزانہ مفتاح اور لیگی نائب صدر مریم نواز سے بات کرنے کی یقین دہانی کرائی تھی۔
Idk if @PMLNHealthCare @MaryamNSharif realise this, but the majority of girls/women in this country use pads. One of the 2 biggest suppliers of pads in this country shutting down will be a healthcare AND economic crisis.
Using rags is unsafe,unsanitary and keeps women at home.
— toofani-badtameezi (@thesedcat) May 27, 2022
شزا فاطمہ نے جس ٹوئٹر پوسٹ پر تبصرہ کیا تھا اس کے ساتھ منسلک ڈیجیٹل میڈیا پلیٹ فارم”پروفٹ“ کی خبر میں دعویٰ کیا گیا تھا کہ حکومت کی جانب سےغیر ضروری درآمدی اشیا پر پابندی کے باعث پاکستانی مارکیٹ کیلیے 84 فیصد سینیٹری پیڈزبنانے والی 2 بڑی کمپنیوں پراکٹل اینڈ گیمبل اور سینٹیکس کو درآمدی خام مال کی فراہمی بند ہوگئی ہے جس کے باعث سینٹیکس کو مجبوراً اپنا کام بند کرنا پڑے گا۔
There is no ban on any industrial raw material. The ban is only on some luxury or non-essential goods. And there is certainly no ban on sanitary pads or diapers (or their raw materials), which are obviously essential goods. We will issue further official clarification on Monday. https://t.co/FCdissqyBq
— Miftah Ismail (@MiftahIsmail) May 29, 2022
مفتاح اسماعیل نے شزا فاطمہ کے ٹوئٹ پر تبصری کرتے ہوئے وضاحت کی کہ صنعتی خام مال کی درآمد پر کوئی پابندی نہیں ہے، صرف کچھ پرتعیش اور غیر ضروری اشیا کی درآمد پر پابندی لگائی گئی ہے۔
مفتاح اسماعیل نے مزید کہا کہ یقینی طور پر سینیٹری پیڈز اور ڈائپرز یا ان کے خام مال کی درآمد پر کوئی پابندی عائد نہیں کی ہے جو کہ ظاہر سی بات ہے کہ ضروری اشیا ہیں۔مفتاح اسماعیل نے واضح کیا کہ ہم پیر کو باضابطہ طور پر ہدایت جاری کریں گے۔
