ن لیگ اور پیپلز پارٹی میں ورکنگ ریلیشن شپ مضبوط بنانے پر اتفاق
حمزہ شہباز شریف کا کہنا تھا ورکنگ ریلیشن شپ کو مزید بہتر بنانے کے حوالے سے مشاورت کا عمل جاری رہے گا۔
وزیر اعلیٰ پنجاب حمزہ شہباز اور پیپلز پارٹی کے شریک چیئرمین آصف علی زرداری کے درمیان بلاول ہاؤس میں ملاقات ہوئی بلاول ہاؤس میں آصف علی زرداری کی قیادت میں پیپلز پارٹی کے وفد نے وزیر اعلیٰ حمزہ شہباز شریف اور لیگی رہنماؤں کا استقبال کیا
اتحادی جماعتوں کے درمیان ملاقات میں باہمی دلچسپی کے امور ، سیاسی صورتحال اور ورکنگ ریلیشن شپ پر تبادلہ خیال کیا گیا۔
آصف علی زرداری نے حمزہ شہباز کو پنجاب کی وزارت اعلی کا منصب سنبھالنے پر مبارکباد دی۔
یہ بھی پڑھیے
بارہ جماعتیں حکومت چلائیں، قومی ڈائیلاگ اب مشکل ہیں
معاشی ایمرجنسی کی افواہ کیوں اڑی؟ عوامل کیا تھے؟ اندرونی کہانی
حمزہ شہباز اور آصف علی زرداری کا ورکنگ ریلیشن شپ کو مزید مضبوط بنانے پر اتفاق بھی ہوا جبکہ عمران نیازی کے غیر جمہوری ہتھکنڈوں کا مل کر مقابلہ کرنے کے عزم کااعادہ کیا۔ ملاقات میں ضمنی انتخابات مشترکہ طور پر لڑنے پر اتفاق کیا گیا۔
وزیر اعلیٰ حمزہ شہباز کا اس موقع پر کہنا تھا کہ عوام کی خدمت کے سفر میں ایک ہیں اورایک رہیں گے۔ پاکستان پیپلز پارٹی ہماری اتحادی جماعت ہے، ساتھ لیکر چلیں گے۔
حمزہ شہباز شریف کا کہنا تھا ورکنگ ریلیشن شپ کو مزید بہتر بنانے کے حوالے سے مشاورت کا عمل جاری رہے گا۔ مسلم لیگ ن اور پیپلزپارٹی کا اتحاد عوام کی خدمت کے لیے ہے ۔ سیاست کو عبادت سمجھتا ہوں اور اجتماعی فیصلوں قائل ہوں۔
صوبائی وزراء عطا تارڑ ،ملک محمد احمد علی، خواجہ سلمان رفیق، عمران گورایہ، وزیر اعلی سندھ مراد علی شاہ، شرجیل میمن ،ڈاکٹر عاصم حسین،صوبائی وزراء سید علی حیدر گیلانی اور سید حسن مرتضی بھی ملاقات میں موجود تھے۔
آصف علی زرداری نے وزیر اعلیٰ حمزہ شہباز کے اعزاز میں ظہرانہ بھی دیا۔
