نیوز اینکر فٹ پاتھ پر سموسے بیچنے پر کیوں مجبور ہوگیا؟

افغانستان میں جنگ ختم ہوگئی لیکن افغان شہریوں کی مشکلات  کم نہ ہوسکیں۔

امریکا کےغلام افغانستان میں  ٹی وی پر خبریں پڑھنے والا نیوز اینکر طالبان کے آزاد افغانستان میں فٹ پاتھ پر سموسے فروخت کرنے پر مجبور ہوگیا۔

یہ بھی پڑھیے

امریکی انخلا کے بعد ہندوستانی وفد کی افغانستان آمد، مختلف امور پر تبادلہ خیال

افغان حکام کا دوران نشریات خواتین اینکرز کو چہرہ ڈھانپنے کاحکم

افغان صحافی نادیہ مومند نے اپنے ٹوئٹر ہینڈل  پر ایک فوٹو کولاج شیئر کیا ہے جس میں   ماضی میں نیوز اسٹوڈیو  میں بیٹھ کر خبریں پڑھنے والے اینکر کو فٹھ پر بیٹھ کر سموسے فروخت کرتے ہوئے دیکھا جاسکتا ہے۔

A lifetime of Work and struggles as a #Journalist ends up like this for the Talented young generation of #Afghanistan.
It is a damned History repeating itself every few years for Us. pic.twitter.com/PEryLGKPaa

— Nadia Momand  (@NadiaMomand) June 15, 2022

نادیہ مومند نے تصویر کے کیپشن میں لکھا ہے  کہ بطور صحافی  زندگی بھر کی محنت اور جدوجہدافغانستان کی باصلاحیت نوجوان نسل کے لیے اس طرح ختم ہوتی ہے،یہ ایک سیاہ  تاریخ ہے جو ہمارے لیے ہر چند سال بعد خود کو دہراتی ہے۔

واضح رہے کہ طالبان کی حکومت کے قیام  کے بعد افغانستان  کوعالمی تنہائی کے باعث  سخت معاشی حالات کا سامنا ہے۔افغان شہری گزربسر کے لیے اپنے اعضا اور بچے تک فروخت کرنے پر مجبور ہوچکے ہیں۔