عزیر یونس کا اسحاق ڈار کو  معاشی معاملات پر خاموش رہنے کا مشورہ

بین الاقوامی مالیاتی امور کے ماہر عزیر یونس  کا کہنا ہے کہ سابق وزیر خزانہ اسحا ق ڈار،  وزیراعظم شہباز شریف کو معاشی مشورے دینے سے پرہیز کریں ۔

عزیر یونس نے انگریزی اخبار دی نیوز میں شائع ہوئی وزیرداخلہ رانا ثنا اللہ کی کی ایک خبر کا لنک شیئر کیا جس میں انہوں نے  کہا ہے کہ سابق وزیر خزانہ اسحاق ڈار موجودہ حکومت کو معاشی بحران سے نمٹنے کیلئے رہنمائی فراہم کررہے ہیں ۔

یہ بھی پڑھیے

مفتاح اسماعیل بتائیں آئی ایم ایف سے ڈیڑھ دن میں قرض کیسے ملے گا ۔ ؟

بین  الاقوامی مالیاتی امور کے ماہر عزیر یونس نے  خبر پر تنقید کرتے ہوئے کہا کہ صرف یہ تبصرے  ہی مارکیٹ میں خوف و ہراس پھیلانے کے لیے کافی ہیں۔ اسحاق ڈار ایک ایٹمی ملک کے وزیر اعظم کو معاشی مشورے دینا بند کردیں۔

These comments alone are enough to make markets panic.

Dar should not be advising anybody, let alone the PM of a nuclear-armed country.

And this obsession with a strong currency is partly why Pakistan is in the mess it is in today.

Lord have mercy. https://t.co/4ZLwlp8sxR

— Uzair Younus عُزیر یُونس (@UzairYounus) June 21, 2022

بین  الاقوامی مالیاتی امور کے ماہرعزیر یونس نے کہا کہ اللہ سے رحم طلب کرتے  ہوئے کہا کہ روپے کو مستحکم کرنے کا یہ جنون  ہی معیشت کی موجودہ تباہ حالی کی جزوی  وجہ ہے ۔

واضح رہے کہ نجی ٹی وی کے  پروگرام میں گفتگو کرتے ہوئے وزیر داخلہ رانا ثنا اللہ نے کہا کہ اسحاق  ڈار اس وقت پاکستان کے حالات سے واقف ہیں۔ نون لیگ  کے مالیاتی اسحاق ڈار معاشی بحران سے نمٹنے میں حکومت کی رہنمائی کر رہے ہیں۔

رانا ثناء اللہ کا کہنا تھا کہ اتحادی حکومت کے ابتدائی دنوں سے لندن میں موجود  اسحاق ڈار   حکومت کو معاشی امور پر  مشورے دے رہے ہیں۔وہ معاشی معاملات پر بہت متحرک تھے ۔