حمزہ شہباز کا مفت بجلی فراہمی کا اعلان ضمنی الیکشن اسٹنٹ قرار

تحریک انصاف کے رہنما سابق وفاقی وزیر اسد عمر اور قاف لیگ کے رہنما مونس الہیٰ  کا کہنا ہے کہ آئی ایم ایف نے بجلی مہنگی کرنےکی ہدایت دی ہے جبکہ حمزہ شہباز پنجاب میں بجلی مفت فراہم کرنے کا اعلان کررہے ہیں۔

مسلم لیگ قاف کے رہنما سابق وفاقی وزیرمونس الہیٰ نے مائیکرو بلاگنگ سائٹ ٹوئٹر پراپنے پیغام میں کہا ہے کہ حمزہ شہبازکا پنجاب میں 100 یونٹ  تک مفت بجلی  کی فراہمی کا اعلان مکمل جھوٹ اور ضمنی الیکشن اسٹنٹ ہے کیونکہ شہبازشریف نے آئی ایم ایف سے سبسڈی ختم کرنے اور بجلی مہنگی کرنے کا معاہدہ کیا ہے ۔

یہ بھی پڑھیے

حمزہ شہباز کو بجلی مفت فراہم کرنے کا اعلان مہنگا پڑ گیا، الیکشن کمیشن میں طلب

مونس الہیٰ کا کہنا تھا کہ  ضمنی وزیر اعلیٰ پنجاب کے پاس ایسا کوئی اختیار ہی نہیں ہے۔ انہوں نے حمزہ شہباز کو کڑی تنقید کا نشانہ بناتے ہوئے کہا کہ جھوٹ بولنے میں باپ تو باپ، بیٹا باپ کا بھی باپ ہے۔

حمزہ شہبازکا100یونٹ فری بجلی کا اعلان ٹوٹل جھوٹ اور ضمنی الیکشن سٹنٹ ہے. یاد رہے کہ۔1۔ #IMF سے@CMShehbaz نے سبسڈی ختم کرنے اور بجلی مہنگی کرنے کا معاہدہ کیا ہے۔2۔ ضمنی وزیر اعلی کے پاس ایسا کوئی اختیار نہیں ہے۔ جھوٹ بولنے میں باپ تو باپ، بیٹا باپ کا بھی باپ!

— Moonis Elahi (@MoonisElahi6) July 5, 2022

پی ٹی آئی کے رہنما اسد عمر نے بھی  پنجاب میں 100 یونٹ  مفت بجلی فراہم کرنے حوالے سے ٹوئٹ کیا۔ انہوں نے وزیر خزانہ مفتاح اسماعیل سے پوچھا کہ بتائیں کیا اس اعلان کے بعد آپ آئی ایم ایف سے معاہدے کو حتمی شکل دے سکتے ہیں۔ ؟آپ کا یہ جواب قوم کو بالعموم اور بازاروں کو بالخصوص دینا ہے۔

Miftah ismail should publicly state whether he can finalize the IMF deal with the free electricity supply announcement of hamza shahbaz? Yes or no answer. You owe this answer to the nation in general and the markets in particular

— Asad Umar (@Asad_Umar) July 5, 2022

خیال رہے کہ چند روز قبل وزیراعلیٰ پنجاب حمزہ شہباز نے صوبے میں 100 یونٹ تک استعمال کرنے والے گھریلو صارفین کے لیے بجلی مفت کرنے کا اعلان کیا تھا ۔

انہوں نے کہا کہ صوبے کے عوام کو اربوں روپے کا ریلیف دے رہے ہیں، 100 یونٹ استعمال کرنے والے صارفین کو مفت بجلی فراہم کریں گے۔