ڈالر کی قدر میں مزید اضافہ، حصص بازار میں معمولی تیزی رہی

پاکستانی کرنسی کے مقابلے میں امریکی ڈالرکی قدر میں اضافے کا رجحان آج بھی جاری رہا اورانٹربینک میں ایک ڈالر 236 روپے2 پیسے کی سطح پر پہنچ گیا جبکہ اوپن مارکیٹ میں ڈالر 241 روپے پر ٹریڈ کررہا  ہے۔

اسٹیٹ بینک آف پاکستان کے مطابق انٹربینک میں روپے کی قدر ڈالر کے مقابلے میں آج 1.31 فیصد کمی ہوئی جس کے بعد ایک ڈالر 236 روپے 2 پیسے کا ہوگیا ۔

یہ بھی پڑھیے

پاکستان کی معاشی صورتحال کا موازنہ سری لنکا سے کرنا زیادتی ہے، مرتضیٰ سید

فاریکس ایسوسی ایشن کے مطابق   اوپن مارکیٹ میں  ایک امریکی ڈالر 4 روپے اضافے کے بعد 241 روپے کی سطح پر پہنچ چکا ہے ۔

Interbank closing #ExchangeRate for todayhttps://t.co/yreXph4Iph pic.twitter.com/yfLNF31hjS

— SBP (@StateBank_Pak) July 27, 2022

جبکہ دوسری جانب  کاروباری  ہفتے کے  تیسرے روز حصص بازار میں تیزی کا رجحان رہا اور100 انڈیکس 78 پوائنٹس اضافے سے 39ہزار972 پر بند ہوا ۔

کاروبار کے دوران 100 انڈیکس 492  پوائنٹس کے بینڈ میں رہا۔ آج حصص بازار میں آج 12 کروڑ 15 لاکھ شیئرز کے سودے ہوئے جن کی مالیت 4 ارب 14 کروڑ روپے رہی اور مارکیٹ کیپٹلائزیشن 6 ہزار 752 ارب روپے  ہوگئی۔

لوٹے کیمیکل  10.21 ملین حصص  کے سر فہرست رہا جبکہ ورلڈ کال  ٹیلی کام  کے 9.26ملین شیئر کا کاروبار ہوا  اور ٹی پی ایل  9 ملین حصص کے ساتھ تیسرے نمبر پر رہا ۔

بدھ کو 321 کمپنیوں کے حصص کا کاروبار ہوا جن میں سے 153 میں اضافہ، 141 میں کمی اور 27 کے بھاؤ میں کوئی تبدیلی نہیں ہوئی۔