نوبل انعام یافتہ ملالہ یوسف زئی کا کامن ویلتھ گیمز کی تقریب میں متاثرکن خطاب
ملالہ یوسف زئی نے کامن ویلتھ گیمز کی افتتاحی تقریب لڑکیوں کی تعلیم کی اہمیت اجاگر کرتے ہوئے کہا کہ سب کو اپنے خواب پورے کرنے کا موقع ملنا چاہیے
پاکستان کی نوبل انعام یافتہ سماجی کارکن ملالہ یوسف زئی نے دولت مشترکہ کے کھیلوں کی افتتاحی تقریب میں شرکت کی۔ انہوں نے اپنے خطاب میں لڑکیوں کی تعلیم کی اہمیت کو اجاگر کیا ۔
پاکستانی نوبل انعام یافتہ سرگرم سماجی کارکن ملالہ یوسف زئی نے کامن ویلتھ گیمز کی افتتاحی تقریب میں شرکت کی۔ اپنی تقریر میں ملالہ نے کہا کہ تقریب میں شرکت کرنا اعزاز کی بات ہے ۔
یہ بھی پڑھیے
کامن ویلتھ گیمز میں 24 سال بعد کرکٹ کی ویمن ٹورنامنٹ کے ساتھ واپسی
دولت مشترکہ کے کھیلوں کی تقریب سے اپنے خطاب میں ملالہ نے لڑکیوں کی تعلیم کی اہمیت اجاگر کرتے ہوئے کہا کہ سب کو اپنے خواب پورے کرنے کا موقع ملنا چاہیے ۔
💬"Tonight, teams from 72 countries join Birmingham to celebrate friendship across borders."
❤️@Malala's address was incredible!#B2022 pic.twitter.com/612sHZN8T2
— Birmingham 2022 (@birminghamcg22) July 28, 2022
ملالہ یوسف زئی نے ایک دستاویزی فلم کے ذریعے لڑکیوں کی تعلیم کی اہمیت کا خاکہ پیش کیا۔ ان کا کہنا تھا کہ خواتین کی معاشرے میں شرکت اور اسکولوں تک رسائی ضروری ہے۔
نوبل انعام یافتہ سماجی کارکن نے کامن ویلتھ گیمز میں آئے تمام کھلاڑیوں کو خوش آمدید کہتے ہوئے کہا کہ گیمز میں حصہ لینے والے کھلاڑی یاد رکھیں سب اپنی صلاحیتوں کا استعمال کرکے ہوئے اپنے خواب پورا کرنے کے مستحق ہیں۔
یاد رہے کہ کامن ویلتھ گیمز کی افتتاحی تقریب برمنگھم میں ہوئی تاہم تقریب میں ملکہ برطانیہ الزبتھ شریک نہیں ہوئی ۔ ملکہ برطانیہ کا پیغام شہزادہ چارلس نے پڑھ کر سنایا اور گیمز کا با قاعدہ افتتاح کیا ۔
👑 Signing off from an epic night with a final world from HRH The Prince of Wales!
Get to bed, folks. See you all tomorrow for more epic moments!#B2022 pic.twitter.com/UIJ8F6L4Up
— Birmingham 2022 (@birminghamcg22) July 28, 2022
خیال رہے کہ دولت مشترکہ کھیلوں میں 72 ممالک کے کھلاڑی شریک ہیں ۔ کامن ویلتھ گیمز میں پاکستانی دستہ بھی حصہ لے رہا ہے ۔ پاکستانی دستے میں وومن کرکٹ، ہاکی ، تیراکی، بیڈ منٹن، ریسلنگ اور دیگر کھلاڑی شامل ہیں۔
