نریندر مودی کے ساتھی گوتم اڈانی کی این ڈی ٹی وی پر مکمل کنٹرول کی کوششیں
گوتم اڈانی نے اپنے حریف مکیش امبانی کی زیرملکیت چینل ایک دہائی تک بلاواسطہ کنٹرول کیا جبکہ اب انتہائی حیرت انگیز بولی لگا کر امبانی کو پیچھے دھکیل دیا اوردیگر شیئرہولڈر سے ملکر چینل کا مکمل کنٹرول حاصل کرلیں گے
بھارتی وزیراعظم نریندرمودی کے اتحادی گوتم ایڈانی نے بھارت کے این ڈی ٹی وی کے لیے مخالفانہ قبضے کی بولی شروع کی۔ ارب پتی گوتم اڈانی نے ہندوستان کے این ڈی ٹی وی کے لیے ایک مخالفانہ ٹیک اوور بولی شروع کی ہے۔
بھارتی وزیراعظم نریندر مودی کے قریبی ساتھی اورانڈیا کے امیرترین شخص گوتم اڈانی کے اڈانی گروپ نے بھارت کے مقبول ترین ٹی وی چینل نیو دہلی ٹیلی ویژن (این ڈی ٹی وی) کے اکثریتی حصص خریدے گا۔
یہ بھی پڑھیے
امیر ترین ایشیائی گوتم اڈانی کا سالگرہ پر 7.7 ارب ڈالر عطیہ کرنے کا اعلان
اڈانی گروپ نے یہ کہا کہ وہ این ڈی ٹی وی کے مزید 26 فیصد حصص خریدنے کے لیے ایک کھلی پیشکش شروع کرے گا جس سے اسے بھارت کے سب سے مشہور نیوزبرانڈز میں سے ایک پراکثریت کا کنٹرول ملے گا ۔
میڈیا گروپ کے ایک بیان میں کہا گیا کہ یہ اعلان این ڈی ٹی وی کے بانیوں، تجربہ کار صحافیوں رادھیکا رائے اور پرنائے رائے کے لیے حیران کن تھالیکن ٹیک اوور کا بیج تقریباً ڈیڑھ دہائی پہلے بچھایا گیا تھا۔
اےایم جی (AMG) میڈیا نیٹ ورکس لمیٹڈ، اڈانی انٹرپرائزز کی ایک مکمل ملکیتی ذیلی کمپنی، نے وشوا پردھان کمرشل پرائیویٹ لمیٹڈ میں 100 فیصد ایکویٹی حصص 113.74 کروڑ روپے میں خریدے۔ اسی کمپنی کے ذریعے اڈانی انٹرپرائزز NDTV کے حصص حاصل کر رہا ہے۔
2008 میں قائم کیا گیا، وشوا پردھان کمرشل پرائیویٹ لمیٹڈ خود کو ایک مینجمنٹ اور کنسلٹنسی سروسز کمپنی کے طور پر بیان کرتا ہے لیکن اس کے پاس کوئی اثاثہ نہیں ہے۔
Business conglomerate @AdaniOnline buys 29% stake in @ndtv pic.twitter.com/fDwPBaQLCY
— Abhinandan Mishra (@mishra_abhi) August 23, 2022
2009 میں، اس نے رادھیکا رائے پرنائے رائے پرائیویٹ لمیٹڈ کو 403.85 کروڑ روپے کے غیر محفوظ قرض کی پیشکش کی تھی جن کے پاس این ڈی ٹی وی کے 29 فیصد حصص ہیں۔
رائے گروپ(ROYS) کے پاس این ڈی ٹی وی کے سب سے زیادہ 32 فیصد حصص ہیں جبکہ اڈانی مزید 4 شرمایہ کاروں کے ساتھ ملکر 46 فیصد شیئر ہولڈر بن جائیں گے ۔
گوتم اڈانی نے اپنے حریف مکیش امبانی کی زیر ملکیت چینل ایک دہائی تک بلا واسطہ کنٹرول کیا تاکہ ہندوستان کے سب سے معتبر ٹیلی ویژن نیوز چینل پر قبضہ کیا جا سکے۔
این ڈی ٹی وی انڈیا کا ایک مشہور میڈیا ہاؤس ہے اور تین چینلوں کو چلاتا ہے، جن میں این ڈی ٹی وی 24 x7، این ڈی ٹی وی انڈیا اور این ڈی ٹی وی پرافٹ شامل ہیں۔
واضح رہے کہ گوتم اڈانی کا مقابلہ ایشیا اور انڈیا کےامیر ترین شخص مکیش امبانی سے ہے جو ریلائنس گروپ کے مالک ہیں اور نیٹ ورک 18 میڈیا گروپ بھی ان کی ملکیت ہے۔
