سندھ میں تباہی: قائم علی شاہ کے صاحبزادے نے اپنی حکومت کی کارکردگی پر سوالات اٹھا دیئے

سندھ میں سیلاب کی تباہی کاریاں ، سابق وزیراعلیٰ سندھ سید قائم علی شاہ اور نفیسہ شاہ کے بھائی اسد علی شاہ نے حکومت سندھ کی کارکردگی پر سوالات اٹھا دیئے ہیں۔

سید اسد علی شاہ نے صوبہ سندھ میں حالیہ مون سون کی بارشوں اور سیلاب سے ہونے والی تباہی کی تفصیلات سماجی رابطوں کی ویب سائٹ ٹوئٹر پر ڈیجیٹل نمبرز میں شیئر کی ہیں اور کہا ہے کہ سندھ حکومت کہیں کام کرتے ہوئے دکھائی نہیں دے رہی۔

یہ بھی پڑھیے

قرضے بڑھتے جارہے ہیں یہ پاکستان کو اندھیروں میں دھکیل رہے ہیں، عمران خان

سکھر کی سب سے بڑی سبزی اور فروٹ منڈی کچرا کنڈی میں تبدیل ہوگئی

سابق وزیراعلیٰ سندھ سید قائم علی شاہ کے صاحب زادے کا کہنا ہے سیلاب متاثرین کی بحالی کے سلسلے میں سندھ حکومت کا گورننس فیلیئر صاف دکھائی دے رہا ہے۔

سید اسد علی شاہ نے اپنے ٹوئٹر ہینڈل پر تفصیلات شیئر کرتے ہوئے لکھا ہے کہ "ذیل میں دیئے گئے اعدادوشمار سندھ میں ہونے والے نقصانات کی شدت کو ظاہر کرتے ہیں۔”

#SindhFlood2022
Below stats shows magnitude of damage in #Sindh -586k houses destroyed out of total 682k in entire country or 86% destruction in #SindhRains. Actual destruction is much higher. Response remains disappointing @CMShehbaz @BBhuttoZardari @MuradAliShahPPP pic.twitter.com/09KACqnPYw

— Asad Ali Shah (@Asad_Ashah) August 27, 2022

انہوں نے لکھا ہے کہ "پورے ملک میں کل 6 لاکھ 82 ہزار گھر تباہ ہوئے جبکہ صرف سندھ 5 لاکھ 86 ہزار گھر تباہ ہوئے جوکہ کل تباہی کا 86 فیصد ہے۔”

سید اسد علی شاہ مزید لکھتے ہیں کہ "اصل تباہی اس سے کہیں زیادہ ہے۔ لیکن بحالی کا کام مایوس کن ہے۔”

انہوں نے اپنے ٹوئٹ میں وزیراعظم شہباز شریف ، بلاول بھٹو زرداری اور پی پی کے وزیراعلیٰ مراد شاہ کو بھی ٹیگ کیا ہے۔

ذاتی طور پر سید اسد علی شاہ چارٹڈ اکاؤنٹنٹ ہیں ، آئی کیپ کے صدر رہ چکے ہیں۔