یتیم لڑکی سے جنسی زیادتی کے ملزم کو پنجاب پولیس نے پروٹوکول دیکر داماد بنالیا
پنجاب پولیس جنسی درندوں کی سہولت کار بن گئی، میاں داؤد نے لاہور میں جنسی زیادتی کا شکار ہونے والی لڑکی سے پنجاب پولیس کی زیادتی کے حوالے سے اہم انکشافات کرتے ہوئے کہا کہ تفتیشی افسر فرزانہ مشتاق ملزم کو اپنا داماد سمجھتے ہوئے اسے مکمل پروٹول فراہم کر رہی ہے
لاہور میں یتیم لڑکی کے ساتھ جنسی زیادتی کرنے والے ملزم منیب عاصم کو پنجاب پولیس نے سہولیات فراہم کرکے گھر داماد بنالیا جبکہ متاثرہ لڑکی کو ڈرا دھمکا کر خالی کاغذات پر دستخط کروانے کی کوشش کی جارہی ہے ۔
لاہور کے نامور وکیل میاں داؤد نے اپنے ایک ٹوئٹر پیغام میں لاہور میں جنسی زیادتی کا شکار ہونے والی لڑکی سے پنجاب پولیس کی زیادتی کے حوالے سے اہم انکشافات کردیئے ہیں۔
یہ بھی پڑھیے
لاہور کے حیوان نما پولیس افسر کا شہری پر بدترین تشدد، کیا پولیس کلچر تبدیل ہوگا ؟
میاں داؤد نے بتایا کہ عاصم منیب نامی جنسی درندے نے لاہور کی رہائشی یتیم لڑکی سے زیادتی کی تاہم پولیس مکمل طور پر اسے پروکوٹول دے رہی ہے ایسا محسوس ہوتا ہے وہ ملزم نہیں ان کا گھر داماد ہے ۔
انہوں نے انسپکٹر جنرل پولیس پنجاب فیصل شاہکار سے تلخ سوال پوچھتے ہوئے کہا کہ یہ پنجاب پولیس کی سرکاری پالیسی ہے؟۔ جنسی زیادتی کے ملزم کو ایک دن کے لیے بھی حوالات میں نہیں ڈالا گیا ۔
آئی جی صاحب، کیا یہ پولیس کی سرکاری پالیسی ہے؟
یتیم بچی کیساتھ جنسی زیادتی کیس میں تفتیشی افسر فرزانہ مشتاق ملزم کیساتھ مسلسل داماد جیسا سلوک کر رہی ہیں، ایک دن بھی ملزم حوالات میں نہیں ڈالا، وکٹم کو خالی صفحہ پر سائن کرنے کیلئے دھمکا رہی ہیں@OfficialDPRPP @InvPoliceLahore https://t.co/QncPnYgGA4— Mian Dawood (@miandawoodadv) October 7, 2022
ان کا کہنا تھا کہ تفتیشی افسر فرزانہ مشتاق ملزم کو اپنا داماد سمجھتے ہوئے اسے مکمل پروٹول فراہم کررہی ہے جبکہ یہی افسر متاثرہ لڑکی کو ڈرا دھمکا کر خالی کاغذات پر دستخط کرنے پر مجبور کررہی ہے ۔
اس سے قبل میاں داؤد اپنے ٹوئٹ میں بتاچکے ہیں کہ یتیم لڑکی کے زیادتی کا ملزم جسے پولیس کی مکمل آشیر باد حاصل ہے صرف سلمان صوفی کی کوششوں کے بعد 3 ہفتے بعد گرفتار کیا گیا تھا ۔
یتیم بچی سے زیادتی کیس کا ملزم آخرکار گرفتار۔۔۔ پولیس کے اعلی افسران کی بدنیتی، ملی بھگت کے باوجود سلمان صوفی صاحب کی کوششوں سے ملزم 3 ہفتے بعد گرفتار ہوا ہے۔
ابھی بھی پولیس تفتیش تبدیل کے ملزم کو فائدہ پہنچانے کی کوشش میں ہے۔@SalmanSufi7 @OfficialDPRPP @InvPoliceLahore https://t.co/XiaVyjcpNk— Mian Dawood (@miandawoodadv) October 2, 2022
وزیر اعظم شہباز شریف کے مشیر سلمان صوفی کی کوششوں کے بعد گرفتار جنسی درندہ عاصم منیب کو پولیس فائدے فراہم کرنے کی کوشش میں مصروف ہے جبکہ تفتیش بھی تبدیل کی جا رہی ہے ۔
اس سے قبل جنسی زیادتی کا ملزم عاصم منیب لاہور ہائی کورٹ سے ضمانت منسوخ ہونے پر پولیس افسران کی ملی بھگت سے احاطہ عدالت سے فرار بھی ہوا تھا تاہم پولیس صرف نوٹس لیتی رہ گئی تھی ۔
