کالعدم تحریک طالبان کا ملک بھر میں دہشتگرد حملے کرنے کا اعلان
کالعدم گروپ نے کہا کہ اس نے پاکستانی عوام کو بارہا متنبہ کیا ہے اور صبر و تحمل کا مظاہرہ کیا تاکہ کم از کم ہماری طرف سے مذاکراتی عمل کو سبوتاژ نہ کیا جائے مگر دوسری جانب سے مذاکراتی عمل کو نقصان پہنچایا گیا ہے ۔
![کالعدم تحریک طالبان پاکستان](https://news360.tv/wp-content/uploads/2022/11/کالعدم-ٹی-ٹی-پی-.jpg)
کالعدم تحریک طالبان پاکستان نے ملک بھر میں حملے کرنے کا اعلان کردیا ہے۔ کالعدم ٹی ٹی پی نے اپنے دہشتگردوں کو حساس تنصیبات سمیت ملک کے دیگر حصوں میں حملے کے احکامات جاری کردیئے ہیں۔
کالعدم تحریک طالبان پاکستان (ٹی ٹی پی) کے ایک اعلامیہ میں حکومت پاکستان سے ہر قسم کے معاہدے ختم کرکے جنگ بندی بھی منسوخ کرنے کا اعلان کیا اور اپنے عسکریت پسندوں کو ملک بھر میں حملے کرنے کا حکم دیا۔
یہ بھی پڑھیے
کالعدم ٹی ٹی پی کا ترجمان کے پی حکومت بیرسٹر سیف کی اپیل کا خیرمقدم
کالعدم ٹی ٹی پی نے اپنے اعلامیہ میں کہا ہے کہ چونکہ مختلف علاقوں میں مجاہدین کے خلاف فوجی آپریشن جاری ہیں، لہٰذا آپ کے لیے یہ ضروری ہے کہ آپ پورے ملک میں جہاں کہیں بھی حملہ کرسکیں۔
اعلامیہ میں عسکریت پسندوں کو مخاطب کرتے ہوئے کہا گیا کہ یہ فیصلہ ضلع بنو کے لکی مروت میں مجاہدین پر عسکری تنظیموں کی جانب سے نہ رکنے والے حملوں کا سلسلہ شروع کیے جانے کے بعد لیا گیا ہے۔
یہ بھی پڑھیے
کالعدم ٹی ٹی پی نے ارکان پارلیمنٹ اور تاجروں سے بھتہ وصولی شروع کردی
کالعدم گروپ نے کہا کہ اس نے پاکستانی عوام کو بارہا متنبہ کیا ہے اور صبر و تحمل کا مظاہرہ کیا تاکہ کم از کم ہماری طرف سے مذاکراتی عمل کو سبوتاژ نہ کیا جائے مگر دوسری جانب سے مذاکراتی عمل کو نقصان پہنچایا گیا ہے ۔
کالعدم تحریک طالبان پاکستان(ٹی ٹی پی) کا کہنا ہے کہ ہمارے صبر و تحمل کو نظرانداز کیا گیا اور فوج اور انٹیلی جنس ایجنسیاں باز نہیں آئیں اور ہم پر حملے جاری رکھے مگر اب ہم جنگ بندی ختم کرنے کا اعلان کررہے ہیں۔