اسلام آباد میں اہم حکومتی شخصیت کے استعفے کی افواہیں گردش کرنے لگیں

اسلام آباد میں اہم حکومتی شخصیت کے استعفے کی افواہیں گردش کررہی ہیں۔ دعویٰ کیا جا رہا ہے کہ انتہائی بدترین معاشی صورتحال کی وجہ سے اسحاق ڈار سے استعفیٰ  کا مطالبہ کیا جا رہا ہے ۔

مسلم لیگ نون کے قائد نواز شریف کے سمدھی اور اتحادی حکومت کے وزیر خزانہ اسحاق ڈار کی  بدترین معاشی پالیسیز اور فیصلوں کی وجہ سے اتحادی جماعتیں بھی ان سے مخالف ہوچکی ہیں۔

یہ بھی پڑھیے

وزیراعظم وفد کے ہمراہ ترکیہ روانہ ہو گئے

اسلام آباد میں افواہیں گردش کررہی ہیں کہ اہم حکومتی شخصیت  اپنے عہدے سے استعفیٰ دینے والی ہے اور یہ موجودی پی ڈی ایم اتحادی حکومت کے خلاف باعث شرمندگی ہوگا ۔

مائیکرو بلاگنگ سائٹ ٹوئٹر پر اپنے ایک پیغام میں صحافی منصور علی خان نے دعویٰ کیا ہے کہ اسلام آباد میں استعفیٰ (زیر غور) موجودہ حکومت کے لیے کافی شرمناک ثابت ہو سکتا ہے۔

A resignation (under consideration) in Islamabad could prove to be quite embarrassing for the present government. Details in the next Vlog soon.

— Mansoor Ali Khan (@_Mansoor_Ali) February 15, 2023

منصور علی خان کے  پیغام پر اپنی رائے کا اظہار کرتے ہوئے نجی ٹی وی چینل دنیا نیوز کے کرنٹ افیئر پروگرام  کے اینکر اجمل جامی نے پوچھا” استعفیٰ مجبوراً تو نہیں دیا جا رہا ہے ؟۔

Resignation Majbooran Tay nai? 😉

— Ajmal Jami (@ajmaljami) February 15, 2023

اینکر مخدوم شہاب الدین نے بھی ٹوئٹر بھی اپنے پیغام میں لکھا ” بڑا استعفیٰ ” تاہم صارفین نے کی جانب سے ان سے پوچھا گیا کہ کس کا استعفیٰ آنے والا ہے تو انہوں نے جواب نہیں دیا ۔

بڑا استعفی؟

— Makhdoom Shahab-ud-Din (@ShahabSpeaks) February 15, 2023

صحافی رؤف کلاسرہ نے  اپنی ایک پروگرام میں دعویٰ کیا ہے کہ  کابینہ اجلاس میں وزیراعظم شہباز شریف کے سامنے پیپلز پارٹی کے چیئرمین بلاول  بھٹو زرداری نے ان پر شدید تنقید کی ۔

سینئر صحافی رؤف کلاسرا نے کہا کہ بلاول بھٹو زرداری ، نوید قمر، قمرالزماں کائرہ، شیری رحمن نے اسحاق  ڈار کو کھری کھری سنا دیں جبکہ  وزیر اعظم نے بھی پی پی پی وزراء  سے اتفاق کیا ہے۔

شیری رحمان نے  اسحاق ڈار سے پوچھا جب کوئی پلان ہی نہیں تھا پاس تو لندن سے کس لیےآئے ؟۔ بلاول بھٹونے کہا کہ بیرون ملک ڈونرزسے اعلانات کروائے  مگر ڈار نے کچھ نہیں کیا۔