حنا پرویز بٹ ایم فلِ انِ ایجوکیشن کا ارادہ ظاہر کرنے پر ٹرولنگ کا نشانہ بن گئیں

پاکستان مسلم لیگ نون کی سابق رکن پنجاب اسمبلی حنا پرویز بٹ نے ایم فلِ انِ ایجوکیشن کرنے کا رادہ ظاہر کیا تو سوشل میڈیا صارفین نے انہیں ٹرول کرتے ہوئے کڑی تنقید کا نشانہ بنایا شروع کردیا ۔

نون لیگ کی رہنما حنا پرویز بٹ نے منتطع تعلیمی سلسلے کو دوبارہ سے شروع کرنے کا اعلان کرتے ہوئے ایم فلِ انِ انگلش کرنے کا رادہ ظاہر کیا تو سوشل میڈیا صارفین کی ٹرولنگ کا نشانہ بن گئیں۔

یہ بھی پڑھیے

نون لیگی رہنما حنا پرویز بٹ کو ٹوئٹر پر شدید ردعمل کا سامنا

ٹوئٹر ہینڈل سے حنا پرویز بٹ نے کہا کہ الحمدللّٰہ جی آر ای (GRE) ٹیسٹ پاس کرلیا ہے، انہوں نے ایم فلِ انِ ایجوکیشن کا ارادہ ظاہر کرتے ہوئے کہا کہ اسٹوڈنٹ لائف کا آغاز ہونے جارہا ہے ۔

لیگی خاتون رہنما حنا پرویز بٹ کی جانب سے ایم فلِ انِ ایجوکیشن میں ایڈمیشن لینے پر تحریک انصاف کے رکن قومی اسمبلی ساجد خان نےکہاکہ "صحیح فیصلہ کیونکہ اس بار تو رکن اسمبلی نہیں بننا ہے” ۔

صحیح فیصلہ کیونکہ اس بار تو ایم پی اے بننا نہیں

— Sajid Khan (@Sajid_Mohmand42) March 20, 2023

نجی ٹی وی نیو نیوز سے وابستہ اسپورٹس جرنلسٹ ارسلان جٹ نے ٹوئٹر پر اپنے پیغام میں کہا کہ "میں اپنے ریسرچ تھیسیسز میں بھی حناپرویز بٹ صاحبہ کی رہنمائی لینا چاہوں گا۔

میں اپنے ریسرچ تھیسیسز میں بھی حناء پرویز بٹ صاحبہ کی رہنمائی لینا چاہوں گا

— Arslan Jutt (@ArslanJutt43) March 20, 2023

ایک صارف  نے طنز کرتے ہوئے کہا کہ پہلے میٹرک  تو کرلو جبکہ  ایک اور صارف نے تنقید کا نشانہ بناتے ہوئے حنا پرویز بٹ سے پو چھا کہ تم نے تو میٹرک میں ہی ایم فِل نہیں کر لیا تھا ؟۔

تم نے تو میٹرک میں ہی ایم فِل نہیں کر لیا تھا ؟؟

— 𝕸 ⷨ𝖆ͧ ͪ𝖎 ⷶ𝖉 ͫ𝖆 ͫ𝖍 ⷶ ͩ ☄️ (@MaidahMuhammad) March 20, 2023

عامر نامی ایک صارف نے کہا کہ اتنا پڑھنے کے بعد بھی مریم نواز کا گلاس ہاتھ میں تھامنا ہے تو پڑھائی سے بہتر ہے کئی سے اعزازی ڈگری لے لو مگر علم کی توہین نہ کیا کرو ۔

اتنا پڑھ کر بھی مریم کا گلاس ہی اٹھانا ہے تو اس سے بہتر ہے کہیں سے اعزازی ڈگری لے لو۔ یوں علم کی توہین نا کرو۔😢

— Amir Shahzadaⁱᴾⁱᵃⁿ (@kh_amir73) March 20, 2023