پی ٹی آئی سوشل میڈیا ٹیم؛ اظہر مشوانی کی گمشدگی کے بعد کراچی سے بھی 2 لاپتہ
عمران خان کے فوکل پرسن اظہر مشوانی کی گمشدگی کے 6 روز بعد پی ٹی آئی کراچی کے 2 سوشل میڈیا ارکان بھی لاپتہ ہوگئے، پارٹی رہنماؤں نے ایف آئی آر درج نہ کرنے کا الزام عائد کردیا
![PTI, social media, team, Azhar Mashwani, disappearance, Karachi, 2 missing, پی ٹی آئی، سوشل میڈیا، ٹیم، اظہر مشوانی، گمشدگی، کراچی، 2 لاپتہ،](https://news360.tv/wp-content/uploads/2023/03/27084923a1dd28b-780x470.jpg)
پاکستان تحریک انصاف کے چیئرمین عمران خان کے فوکل پرسن برائے ڈیجیٹل میڈیا اظہر مشوانی کی گمشدگی کو 6 روز گزر گئے جبکہ کراچی سے پی ٹی آئی کے مزید 2 سوشل میڈیا ٹیم کے ارکان لاپتہ ہوگئے ہیں۔
پی ٹی ائی چیئرمین عمران خان کے فوکل پرسن اظہر مشوانی کی گمشدگی کے بعد پی ٹی آئی کی سوشل میڈیا کے مزید2 افراد لاپتہ ہوگئے ہیں۔ پی ٹی آئی کی سوشل میڈیا ٹیم کے رکن ارشد صدیقی کراچی سے لاپتہ ہوگئے ہیں، پارٹی نے پیر کو تصدیق کی۔
یہ بھی پڑھیے
پی ٹی آئی ڈیجیٹل ہیڈ اظہر مشوانی کے مبینہ اغواء کی ایف آئی آر درج
پی ٹی آئی رہنما علی زیدی کا کہنا تھا کہ ارشد صدیقی صبح اپنے گھر سے دفتر کے لیے نکلے اور اس کے بعد سے ان سے کوئی رابطہ نہیں ہوا۔
ایک ٹویٹ میں علی زیدی نے لکھا کہ کراچی سے ہماری سوشل میڈیا ٹیم کے رکن ارشد صدیقی لاپتہ ہو گئے ہیں۔ آج صبح وہ اپنے گھر سے اپنے کام کی جگہ کے لیے نکلا تھا اور اس کے بعد سے ان سے کوئی رابطہ نہیں ہے۔
Our Social media team member from Karachi @ArshadSidiqi has gone missing.
This morning he left his house for his workplace & there is no contact with him since then.
Smells like another case of abduction on PTI activists. pic.twitter.com/Dq78cudbDH— Ali Haider Zaidi (@AliHZaidiPTI) March 26, 2023
انہوں نے کہا کہ پی ٹی آئی کارکنوں کے اغوا کا ایک اور کیس سامنے آیا ہے۔ پی ٹی آئی رہنما راجہ اظہر اور دیگر افراد ارشد صدیقی کی گمشدگی سے متعلق فرسٹ انفارمیشن رپورٹ (ایف آئی آر) درج کرانے بلوچ کالونی تھانے پہنچے۔
انہوں نے کہا کہ ارشد صدیقی کی گمشدگی پر پولیس تعاون نہیں کر رہی، ان کا بھائی گمشدگی کی درخواست لے کر تھانے آیا لیکن عملے نے ایف آئی آر درج کرنے سے انکار کر دیا۔
خرم شیر زمان نے لکھا کہ ’پی ٹی آئی کے سوشل میڈیا ایکٹوسٹ ارشد صدیقی کی گمشدگی تشویشناک ہے، اگر ارشد کی گمشدگی کے پیچھے امپورٹڈ حکومت کا ہاتھ ہے تو یہ انہیں مہنگا پڑے گا۔
پی ٹی آئی نے ایک عنوان کے ساتھ حالیہ اغوا کی تفصیلات پوسٹ کی ہیں، اس فاشسٹ حکومت کے ذریعہ پی ٹی آئی ایس ایم ٹی (سوشل میڈیا ٹیم) کے خلاف فاشزم۔”
Fascism against PTI SMT by this fascist regime:
Azhar Mashwani: Focal person to IK- missing since 4 days
Arshad Siddiqui: Sindh Op Lead missing since noon
Ikram Khatana: KP Lead – house raided
Bilal: KP OP lead – House Raided, brother & father arrested!#PakistanUnderFascism— PTI (@PTIofficial) March 26, 2023
اس دوران پی ٹی آئی خیبرپختونخوا سوشل میڈیا ٹیم کے سربراہ اکرام کھٹانہ اور ہیڈ آف آپریشنز بلال احمد خان کے گھروں پر بھی چھاپے مارے گئے۔ بلال احمد خان گھر پر موجود نہ ہونے کی وجہ سے ان کے والد اور چھوٹے بھائی کو اغوا کر لیا گیا۔
پی ٹی آئی کی سوشل میڈیا ٹیم کے خلاف کریک ڈاؤن کچھ دن بعد سامنے آیا ہے جب جمعرات کو عمران خان کے فوکل پرسن برائے دیجیٹل میدیا اظہر مشوانی کو لاہور سے لاپتہ کیا گیا۔