وزیراعظم کا جسٹس قاضی فائز عیسیٰ کے خلاف ریفرنس واپس لینے کا اعلان

وزیراعظم میاں محمد شہباز شریف کا بڑا فیصلہ ، سپریم کورٹ کے سینئر ترین جج جسٹس قاضی فائز عیسیٰ کے خلاف کیوریٹیو ریو ریفرنس واپس لینے کا حکم دے دیا ہے۔

اس بات کا فیصلہ وزیراعظم میاں محمد شہباز شریف کی زیر صدارت وفاقی کابینہ کے اجلاس میں کیا گیا۔

وزیراعظم شہباز شریف کا کہنا تھا کہ جسٹس قاضی فائز عیسیٰ کے خلاف بےبنیاد ریفرنس دائر کیا گیا ، اس لیے حکومت مزید اس کیس کی پیروی نہیں کرے گی۔

اجلاس کے دوران وزیراعظم شہباز شریف نے وفاقی وزیر قانون اعظم نذیر تارڑ کو ریفرنس واپس لینے کی ہدایت کردی۔

وزیراعظم کا کہنا تھا ریفرنس کے نام پر جسٹس قاضی فائز عیسیٰ اور ان کے اہلخانہ کو ہراساں اور بدنام کیا گیا۔

ان کا کہنا تھا یہ ریفرنس نہیں تھا بلکہ ایک منصف مزاج جج کے خلاف عمران خان نیازی کی انتقامی کارروائی تھی۔ یہ عدلیہ کی آزادی پر شب خون مارنے اور اسے تقسیم کرنے کی مذموم سازش تھے۔

میاں محمد شہباز شریف کا کہنا ہے کہ جب یہ ریفرنس دائر کیا گیا تھا تو اس وقت بھی مسلم لیگ ن اور اتحادی جماعتوں نے مذمت کی تھی۔ عمران نیازی نے صدر کے آئینی منصب کا اس مجرمانہ فیل کے لیے ناجائز استعمال کیا۔

محمد شہباز شریف کا کہنا تھا کہ صدر مملکت عدلیہ پر حملے کے جرم میں آلہ کار بنے اور ایک جھوٹ کے حصہ دار بنے۔ وکلاء تنظیموں نے ابھی اس ریفرنس کی مخالفت کی  تھی اور انہوں نے اس وقت کی اپوزیشن کی رائے کی قدر کی تھی۔