مریم نواز کا منصور علی کو انٹرویو ، ڈھول کا پول کھل گیا

پاکستان مسلم لیگ نون کی نائب صدر مریم نواز کے منصور علی خان کو دیئے گئے ایک انٹرویو کا کلپ سوشل میڈیا پر وائرل ہورہا ہے جس میں توشہ خانہ کے تحائف سے متعلق گفتگو کی گئی ہے۔

فوج کے سابق میجر عدیل راجا نے مریم نواز کے ایک انٹرویو کا کلپ شیئر کیا جس میں وہ منصور علی خان کے توشہ خانہ سے متعلق سوال کا جواب دہ رہی پہں۔

یہ بھی پڑھیے

مریم نواز کی سعودیہ روانگی کی تیاریاں، نواز شریف بھی پہنچیں گے

عدیل راجا نے وڈیو کے کیپشن میں لکھا کہ مریم نواز کا منصور علی خان کے انٹرویو کا وہ کلپ جو شاید ایڈیٹ کیا گیا یا چل نہ سکا۔ ریٹائرڈ میجر نے مریم نواز پر طنز کرتے ہوئے کہا کہ قانون کی کتنی سمجھ ہے کہ وہ فرما رہے کہ توشہ خانہ سے گاڑیاں خریدی جا سکتیں۔ یہ لیڈر ہیں ہمارے۔ کمال ہے۔

Part 2 – Leaked clip of Maryam Nawaz from an interview. Just brilliant! She is the chief organiser and wants to run this country. pic.twitter.com/OACuNtpcyj

— Adeel Raja (@adeelraja) April 10, 2023

منصور علی خان نے مریم نواز سے سوال پوچھا کہ محدہ  عرب امارات کے شاہی خاندان کی بی ایم ڈبلیو گاڑی آپ نے توشہ خانہ سے لی جس پر مریم نواز نے کہا کہ میرے پاس کبھی بی ایم ڈبلیو کار نہیں تھی۔

منصور علی خان نے انہیں بتایا کہ آپ کے 2009 ۔ 2010 کےٹیکس ریٹرینز میں درج ہے کہ گاری آپ کے نام پر پے جس پر مریم نواز نے کہا کہ ہوسکتا ہے کہ شاید فیملی میں کسی کے پاس وہ گاڑی ہو۔

منصور علی خان نے مریم نواز کو بتایا کہ اپ نے وہ گاڑی 2013 میں 2 کروڑ روپے میں فروخت کردی تھی جس پر لیگی نائب صدر نے کہا کہ میرے پاس اس کی کوئی تفصیلات موجود نہیں ہیں۔

دوران سوالات مریم نواز بار بار پوچھتی رہی کہ کیا اس ریکارڈ ہورہا ہے؟ جس پر انہیں اثبات میں جواب دیا گیا تو انہوں نے کہا کہ کیمرا بند کردیں۔

منصور علی خان نے بتایا کہ جے آئی ٹی رپورٹ میں آپ کے بارے میں ہے کہ آپ نے 31 ملین روپے کے تحائف وصول کیے جس پر انہوں نے کہا کہ یہ فیملی کے تحائف تھے۔

مریم نواز کا منصور علی خان کے انٹرویو کا وہ کلپ جو شاید ایڈیٹ کیا گیا یا چل نہ سکا۔۔ قانون کی کتنی سمجھ ہے کہ وہ فرما رہے کہ توشہ خانہ سے گاڑیاں خریدی جا سکتیں۔۔ یہ لیڈر ہیں ہمارے۔۔ کمال ہے!! pic.twitter.com/FfFhe4UWQK

— Adeel Raja (@adeelraja) April 10, 2023

توشہ خانہ سے سعودی عرب کی شاہی خاندان کی ملنے والی مرسڈیز گاڑی لینے کے سوال پر مریم نواز نے کہا کہ قانون کے مطابق گاری لی گئی تھی جس پر اینکر نے انہیں کہا کہ اس وقت قانون کے مطابق گاڑی لینے پر پابندی تھی۔

توشہ خانہ کے قوانین میں 2008 میں نرمی کی گئی تھی جس کے بعد گاڑی لینے کی اجازت دی گئی تھی جس پر بعد آصف زرداری نے تین گاڑیاں لی تھیں۔