خواجہ آصف نے اخلاقیات کا دامن چھوڑ کر شیریں مزاری کو پھر ٹریکٹر ٹرالی کہہ دیا

 پاکستان مسلم لیگ نون کے مرکزی رہنما اور وفاقی  وزیر برائے دفاعی امور خواجہ آصف نے  اخلاقیات کا دامن چھوڑتے ہوئے تحریک انصاف کی رہنما شریں مزاری کو ایک بار پھر سے ٹریکٹر ٹرالی قرار دے دیا ۔

سماجی رابطے کی سائٹ ٹوئٹر پر وزیر دفاع اور نون لیگ کے مرکزی رہنما خواجہ آصف نے ایک مرتبہ  پھر سے اخلاقیات کو پس پشت ڈالتے ہوئے تحریک انصاف کی رہنما شیریں مزاری کو ٹریکٹر ٹرالی کہہ ڈالا ۔

یہ بھی پڑھیے

وزیر خارجہ بلاول بھٹو زرداری کا بھارتی سرزمین پر کشمیر پر پاکستانی موقف کا کھلا  پرچار

وفاقی وزیر خواجہ محمد آصف نے اپنے آفیشل ٹوئٹر ہینڈل سے ایک مختصر پیغام میں شیریں مزاری کو مخاطب کرتے ہوئے کہا کہ غلط جگہ پر جارحانہ انداز اپنایا ہے۔ ٹریکٹر ٹرالی بہت زیادہ نڈر ہو گئی ہے ۔

انہوں نے پی ٹی آئی رہنما کے ٹوئٹر پیغام  کو ری ٹوئٹ کرتے ہوئے انہیں ٹریکٹر ٹرالی قرار دیا ۔  وزیر شیریں مزاری نے کہا تھا کہ بھارتی ہم منصب کی طرف سے دوطرفہ ملاقات سے انکار بلاول کے منہ پر طمانچہ ہے۔

Misplaced aggression, TT gone berserk…. https://t.co/Di48eEG0m2

— Khawaja M. Asif (@KhawajaMAsif) May 5, 2023

ڈاکٹر شیریں مزاری  نے گزشتہ روز سماجی رابطے کی ویب سائٹ ٹویٹر پر اپنے پیغام میں انہوں نے لکھا کہ پی ڈی ایم اور انکے سہولت کاروں کے وفادار امپورٹڈ وزیر خارجہ کی کچھ عزت رکھنے کی کوشش کر رہے ہیں ۔

سابق وفاقی وزیر  نے بھارتی وزیر خارجہ کی جانب سے پاکستانی ہم منصب سے ہاتھ نہ ملانے کو کڑی تنقید کا نشانہ بنایا اور کہا کہ جے شنکر نے  بجائے ہاتھ ملانے سے بلاول کو ہندوانہ طرز پر نمستے کیا جوکہ شرمناک ہے ۔

یاد رہے کہ وزیردفاع خواجہ آصف نے 2016 میں قومی اسمبلی میں اظہار خیال کرتے ہوئے تحریک انصاف کی سینئر رہنما  شیریں مزاری کو ٹریکٹر ٹرالی کا لقب دیا تھا جس پر انہیں ملک بھر میں تنقید کا سامنا کرنا پڑا تھا ۔

شیریں مزاری نے نون لیگی رہنما خواجہ آصف کو ایک بے شرم اور بے حیا انسان قرار دیتے ہوئے کہا کہ اگر خواجہ آصف میں ’شرم و حیا‘ ہوتی تو ان کو معلوم ہوتا کہ کسی خاتون سے کس طرح پیش آتے ہیں