مہنگائی کی وجہ سے 90 فیصد پاکستانیوں نے سفری منصوبے چھوڑ دیئے، پروفیسر اسٹیو ایچ ہینکے

جانز ہاپکنز یونیورسٹی میں اپلائیڈ اکنامکس کے پروفیسر اسٹیو ایچ ہینکےکا کہنا ہے کہ وزیر اعظم شہباز شریف کی نا اہلی اور بد انتظامی کی بدولت پاکستانی معاشی طور پر موت کی لپیٹ میں آگیا ہے ۔

پروفیسر اسٹیو ایچ ہینکے نے پاکستانی کی معاشی بد حالی کا ذمہ دار وزیراعظم شہباز شریف  قرار دیتے ہوئے کہا کہ ان کی بد انتظامی اور نا اہلی نے پاکستانی معیشت موت کی لپیٹ میں آگیا ہے ۔

یہ بھی پڑھیے

ملک میں مہنگائی کی شرح 50 سال بعد 36.4 فیصد تک پہنچ گئی

جانز ہاپکنز یونیورسٹی میں اپلائیڈ اکنامکس کے پروفیسر اسٹیو ایچ ہینکے نے ٹوئٹر ہینڈل سے ایک پیغام میں کہا ہے کہ حکومت کی نااہلی کی وجہ سے پاکستان میں افراط زر 62 فیصد تک جا پہنچا ہے ۔

#PAKWatch: Nearly 90% of Pakistanis report they have canceled their travel & vacation plans due to INFLATION. By my measure, Pakistan's inflation rate is currently at a TERRIBLE 62%/yr. Thanks to PM Sharif's incompetence & mismanagement, PAK is in an ECONOMIC DEATH SPIRAL. pic.twitter.com/qtQFYwVBki

— Steve Hanke (@steve_hanke) May 4, 2023

اپلائیڈ اکنامکس کے پروفیسر اسٹیو ایچ ہینکے  نے دعویٰ کیا ہے کہ مہنگائی کی وجہ سے 90  فیصد پاکستانیوں نے تعطیلات کے دوران اپنے سفر کے منصوبے ادھورے چھوڑ دیئے ہیں ۔

انہوں نے کہا کہ میرے اندازے کے مطابق پاکستان میں اس وقت افراط زر کی شرح 62 فیصد ہے جوکہ شہباز شریف حکومت کی بد انتظامی اور ناہلی کی وجہ سے یہاں تک پہنچی ہے ۔

یادرہے کہ گیلپ پاکستان نے گزشتہ ماہ اپریل میں ایک سروے کروایا تھا جس میں 90 فیصد پاکستانیوں نے بتایا کہ انہوں نے مہنگائی کی وجہ سے سفر اور چھٹیوں کے منصوبے منسوخ کر دئیے۔