شیخ رشید کا بشکیک میں پرہجوم تقریب سے خطاب؛ عمران خان کی حکومت میں واپسی کی پیشگوئی
سابق وفاقی وزیر داخلہ شیخ رشید احمدنے ایک میوزیکل کنسرٹ میں مجمع سے خطاب میں عمران خان کی حکومت میں واپسی کی پیش گوئی کرتے ہوئے کہا کہ پانچ،5 اوور کا سیاسی میچ شروع ہوگیا ہے جس میں تھرڈ ایمپائر کی ضرورت بھی نہیں پڑے گی
پاکستان عوامی مسلم لیگ کے صدر اور سابق وفاقی وزیر برائے داخلہ امور شیخ رشید کا کہنا ہے کہ تحریک انصاف کی حکومت دوبارہ قائم ہوگئی جبکہ عمران خان ایک بار پھر سے وزیراعظم بنیں گے ۔
سابق وفاقی وزیر داخلہ شیخ رشید احمد نے بشکیک میں ایک میوزیکل کنسرٹ میں عوامی اجتماع سے خطاب کرتے ہوئے چیئرمین تحریک انصاف عمران خان کی دوبارہ وزیراعظم بننے کی پہیش گوئی کی ہے۔
یہ بھی پڑھیے
قومی انجمن قلب کا شیخ رشید کی میڈیا کوریج بند کرنے کا مطالبہ
شیخ رشید احمد کے آفیشل ٹوئٹر ہینڈل سے ایک وڈیو شیئر کی گئی جس میں وہ بشکیک میں ایک میوزیکل کنسرٹ سے خطاب کررہے ہیں تاہم سابق وفاقی وزیر نے اسے ایک عوامی جلسہ قرار دیا ہے ۔
سابق وفاقی وزیر داخلہ شیخ رشید احمد بشکیک کرغستان میں بڑے عوامی جلسہ عام سے خطاب کرتے ہوئے pic.twitter.com/QY5z7xj0ed
— Sheikh Rashid Ahmed (@ShkhRasheed) May 6, 2023
شیخ رشید نے اپنے ایک اور ٹوئٹر پیغام میں بتایا کہ تین روزہ دورہ بشکیک سے وطن واپس پہنچ گیا ہوں،عوامی لیگ کے سربراہ نے کہا کہ بشکیک اسٹیڈیم میں عظیم الشان اور تاریخی جلسے کا انعقاد کیا ۔
میں بشکیک سے3روزہ دورےکےبعد پاکستان پہنچ چکاہوں جہاں پرمیں نےایک سٹیڈیم میں عظیم الشان تاریخی جلسےاورایک بہت بڑےپاکستانیوں کےعشائیےسےخطاب کیاآج سےآخری5اوروں کاسیاسی میچ شروع ہوگیاہےجس میں تھرڈایمپائرکی ضرورت نہیں پڑےگی۔آئینی قانونی معاملات پرعدلیہ کی طرف سےفیصلہ عنقریب آکر رہےگا
— Sheikh Rashid Ahmed (@ShkhRasheed) May 8, 2023
شیخ رشید نے دعویٰ کیا کہ نہ صرف اسٹیڈیم میں جلسے سے خطاب کیا گیا بلکہ پاکستانیوں کی جانب سے عشایئے کی تقریب میں بھی ایک تقریر کی ، انہوں نے کہا کہ آج سے سیاسی میچ شروع ہوگیا ہے ۔
سابق وزیرداخلہ نے کہا کہ 5، پانچ اوور کے سیاسی میچ کا آغاز ہوچکا ہے جس میں تھرڈایمپائرکی ضرورت نہیں پڑےگی۔ آئینی قانونی معاملات پر عدلیہ کی طرف سےفیصلہ عنقریب آکر رہےگا۔
تحریک انصاف کی رہنما جمیلہ یونس نے شیخ رشید کی وڈیو شیئرکرتے ہوئے کہا کہ کرغستان میں بڑی تعداد میں عمران خان کے سپورٹرز باہر آئے ، شیخ رشید نے عوامی اجتماع سے خطاب بھی کیا ہے ۔
کرغستان میں اتنی بڑی تعداد میں عمران خان کے سپورٹرز!!
شیخ رشید کا ایک بڑی عوامی اجتماع سے خطاب…!!!@Jamila_Younis @AroosaAsif1 pic.twitter.com/3LOh72g9ou— جمیلہ یونس || Jamila Younis (@Jamila_Younis) May 7, 2023
دوسری جانب سوشل میڈیا صارفین نے کہا کہ شیخ رشید گلوکار بلال سعید اور پشتو گلوکارہ گل پانڑا کے کنسرٹ میں جاکر تقریر کر کے اسکو جلسے کی شکل دے رہےہیں جبکہ یہ ایک میوزیکل کنسرٹ تھا ۔
