عمران خان کی گرفتاری کے خلاف ملک بھر میں مظاہرے جاری

القادر ٹرسٹ کیس اور توشہ خانہ کیس کے سلسلے میں چیئرمین تحریک انصاف عمران خان کی گرفتاری کے بعد پارٹی کی اعلیٰ قیادت نے اپنے ورکرز اور کارکنان سے پرزور اپیل کی ہے وہ سڑکوں اور چوراہوں پر نکلیں اور اپنے لیڈر کی گرفتاری کے خلاف احتجاج کریں۔

پی ٹی آئی رہنما حماد اظہر نے اپنے ٹویٹر ہینڈل پر پیغام جاری کرتے ہوئے لکھا ہے کہ "عمران کی گرفتاری "قابل قبول نہیں” اور زور دے کر کہا کہ پی ٹی آئی کے سربراہ "ہماری ریڈ لائن” ہیں۔ انہوں نے قوم سے عمران کی گرفتاری کے خلاف سڑکوں پر آنے کی اپیل کی ہے۔”

Important message by @Hammad_Azhar : pic.twitter.com/I3erm0JP9l

— PTI (@PTIofficial) May 9, 2023

اسد عمر نے معزول وزیراعظم کی گرفتاری پر سخت ردعمل کا اظہار کرتے ہوئے کہا کہ پاکستان کے سب سے بڑے سیاسی رہنما کو گرفتار کر لیا گیا ہے، پوری دنیا کو دکھایا جا رہا ہے کہ ملک میں کوئی قانون باقی نہیں رہا۔

پاکستان کے سب سے بڑے سیاسی لیڈر کو ہائی کورٹ پر حملہ کر کے گرفتار۔ پوری دنیا کو دکھایا جا رہا ہے کہ ملک میں کوئی قانون باقی نہیں۔ شاہ محمود قریشی کی سربراہی میں 6 رکنی کمیٹی جو عمران خان صاحب نے بنائی تھی وہ لائحہ عمل کا اعلان کرے گی

— Asad Umar (@Asad_Umar) May 9, 2023

اسد نے مزید کہا، "شاہ محمود قریشی کی سربراہی میں 6 رکنی کمیٹی، جو عمران خان نے بنائی تھی، لائحہ عمل کا اعلان کرے گی۔”

سماجی رابطے کی ویب سائٹ ٹوئٹر پر فواد چوہدری نے کارکنوں سے اپیل کرتے ہوئے کہا کہ "اسلام آباد ہائی کورٹ پر حملہ ہوا ہے، عمران خان کی گرفتاری عدلیہ پر حملے کے مترادف ہے۔”

عوام گھروں سے باہر نکلیں، اسلام آباد ہائیکورٹ پر حملہ کیا گیا ہے عمران خان کی گرفتاری عدلیہ کو بند کرنے کے مترادف ہے

— Ch Fawad Hussain (@fawadchaudhry) May 9, 2023

اس سے پہلے بھی انہوں  نے اپنے ایک ٹوئٹ کے ذریعہ عوام عمران خان کی گرفتاری سے آگاہ کرتے ہوئے لکھا تھا کہ رینجرز نے اسلام آباد ہائی کورٹ پر قبضہ کرلیا ہے ، اور وکلاء کو "تشدد کا نشانہ بنایا جا رہا ہے”۔

اسلام آباد ہائیکورٹ پر رینجرزنے قبضہ کر لیا ہے، وکلاء کو تشدد کا نشانہ بنایا جا رہا ہے، عمران خان کی گاڑی کے گرد گھیرا ڈال لیا گیا ہے

— Ch Fawad Hussain (@fawadchaudhry) May 9, 2023

انہوں نے اپنے ٹوئٹر پیغام میں لکھا تھا کہ "عمران خان کی گاڑی کو گھیرے میں لے لیا گیا ہے”۔

پی ٹی آئی کے وائس چیئرمین شاہ محمود قریشی نے عمران کی گرفتاری کی مذمت کرتے ہوئے لکھا کہ عمران خان کی گرفتاری قابل قبول نہیں۔

پاکستان تحریک انصاف کے سینئر ترین رہنما شفقت محمود نے اپنے بیان میں عمران خان کی گرفتاری کی شدید مذمت کرتے ہوئے کہا ہے کہ پی ٹی آئی کے سربراہ کے ساتھ بھی "بدتمیزی اور بدسلوکی” کی گئی۔

Strongly condemn the arrest of Imran Khan from court premises in Islamabad. He was also manhandled and mistreated. This is height of fascism and totally unacceptable. Rule of law in the country is over

— Shafqat Mahmood (@Shafqat_Mahmood) May 9, 2023

یہ بھی پڑھیے

گرفتاری کے وقت عمران پر کوئی تشدد نہیں کیا گیا، رانا ثناء اللہ

عدالت عظمیٰ  نے ارشد شریف قتل کیس کی اسپیشل جے آئی ٹی رپورٹ مسترد کردی

انہوں نے کہا ہےکہ ملک میں قانون کی حکمرانی ختم ہو چکی ہے۔ یہ فاشزم کا عروج ہے اور بالکل ناقابل قبول ہے۔

منگل کے روز اسلام آباد ہائی کورٹ کے باہر سے عمران خان کی گرفتاری کے خلاف اسلام آباد ، لاہور ، پشاور ، اور کوئٹہ سمیت پاکستان کے دیگر شہروں میں پاکستان تحریک انصاف (پی ٹی آئی) کے کارکنان اور حامیوں کی ایک بڑی تعداد احتجاج کرتے ہوئے سڑکوں پر نکل آئی۔ پارٹی کارکنان کی جانب سے احتجاج کا سلسلہ جاری ہے۔

#ImranKhan #ImranKhan #نکلو_خان_کی_زندگی_بچاوٴ #ReleaseImranKhan #Zaman_Park #نکلو_خان_کی_زندگی_بچاؤ #ںعوس360 #ImranKhanOurRedLine #ImranKhan #NEWS360 #BehindYouSkipperAlways #عمران_خان_ہماری_ریڈ_لائنpic.twitter.com/xlWf186kg0

— News 360 (@officialnews360) May 9, 2023

کارکنان نے احتجاج کرتے ہوئے اسلام آباد ، کراچی ، لاہور ، پشاور اور کوئٹہ کے تمام بڑی بڑی سڑکوں کو بلاک کردیا ہے جس کی وجہ سے ٹریفک کا نظام بری طرح سے متاثر ہورہا ہے۔

مختلف میڈیا چینلز کی رپورٹس کے مطابق پی ٹی آئی کے کارکنان انصاف ہاؤس شاہراہ فیصل کراچی پر جمع ہونا شروع ہوئے تو پولیس کی بھاری نفری انہیں منتشر کرنے کے لیے پہنچ گئی۔

لاہور کے وکلاء نے بھی کینٹ کی جانب چلنا شروع کردیا✌ pic.twitter.com/TuTTNWHwMJ

— Fawad Kh An (@FawadkhanDir) May 9, 2023

لاہور میں پی ٹی آئی کے کارکنان کی بڑی تعداد لبرٹی چوک ہوگئی اور انہوں نے حکومت کی مخالفت میں نعرے بازی شروع کررکھی ہے ۔ مظاہرین کی جانب سے عمران خان کو فوری طور پر رہا کرنے کا مطالبہ کیا جارہا ہے۔

عوام کور کمانڈر ہاوس لاہور میں داخل #نکلو_خان_کی_زندگی_بچاوٴ #ReleaseImranKhan #Zaman_Park #نکلو_خان_کی_زندگی_بچاؤ #NEWS360 #ImranKhanOurRedLine #ImranKhan #BehindYouSkipperAlways #عمران_خان_ہماری_ریڈ_لائن Lahore Cantt
#ImranKhan pic.twitter.com/STDl8CD2MY

— News 360 (@officialnews360) May 9, 2023

گلگت بلتستان سے مقامی میڈیا کی رپورٹس کے مطابق عمران خان کی گرفتاری کے خلاف پی ٹی آئی کے کارکنان اور حامی کی بری تعداد صدیق اکبر چوک پر جمع ہے اور اپنے لیڈر کے حق میں نعرے بازی کررہے ہیں۔

مردان میں پی ٹی آئی کے کارکنان کالج چوک پر جمع ہوئے اور احتجاج کررہے ہیں۔

کے پی میں، لوئر چترال میں پی ٹی آئی کے کارکنان اور حامی سڑکوں پر نکل آئے، ٹائر جلا کر سڑکیں بلاک کر دیں۔