ایون فیلڈ کیس میں مریم نواز کے وکیل امجد پرویز اسپیشل پراسیکیوٹر نیب تعینات

ایون فیلڈ ریفرنس میں مریم نواز اور شریف خاندان کے وکیل ایڈووکیٹ امجد پرویز کو قومی احتساب بیورو (نیب) نے پاکستان تحریک انصاف کے چیئرمین عمران خان سے متعلق نیب کیسز کے لیے خصوصی پراسیکیوٹر مقرر کیا ہے۔

قومی احتساب بیورو کی جانب سے جاری کردہ نوٹیفکیشن میں کہا گیا ہے کہ امجد پرویز کو خصوصی طور پر پی ٹی آئی سربراہ سے متعلق کیسز نمٹانے کے لیے نامزد کیا گیا ہے۔

یہ بھی پڑھیے 

تحریک انصاف کے رہنما غلام سرور خان بیٹے اور بھتیجے سمیت گرفتار

ایف آئی اے نے منی لانڈرنگ کیس میں پرویز الٰہی کو گرفتار کر لیا

وہ نیب کی نمائندگی کریں گے اور تمام متعلقہ عدالتوں میں سابق وزیراعظم عمران خان کے خلاف قانونی کارروائی کی پیروی کریں گے۔

امجد پرویز کی بطور اسپیشل پراسیکیوٹر تقرری کی منظوری چیئرمین نیب نے دی تھی۔

قابل ذکر بات یہ ہے کہ امجد پرویز اس سے قبل ایون فیلڈ ریفرنس میں مریم نواز کے وکیل کے طور پر کام کر چکے ہیں، یہ ایک ہائی پروفائل کیس ہے جس میں شریف خاندان ملوث ہے۔