ای سی پی نے عام انتخابات 2023 کے لیے پولنگ اسکیم کا مسودہ تیار کر لیا
الیکشن کمیشن آف پاکستان کے مطابق ملک بھر میں عام انتخابات کے دوران تقریباً ایک لاکھ پولنگ اسٹیشنز قائم کیے جائیں گے۔
الیکشن کمیشن آف پاکستان (ای سی پی) نے 2023 میں ہونے والے آئندہ عام انتخابات کے لیے پولنگ اسکیم کے مسودے کو حتمی شکل دے دی ہے، یاد رہے کہ عام انتخابات کا انعقاد رواں سال اکتوبر میں متوقع ہے۔
ای سی پی نے اپنی اسکیم میں شفاف انتخابی عمل کو یقینی بنانے کے لیے لاجسٹک انتظامات اور حفاظتی اقدامات کا خاکہ پیش کیا ہے۔
منصوبے کے تحت عام انتخابات کے لیے ملک بھر میں تقریباً ایک لاکھ پولنگ اسٹیشنز قائم کیے جائیں گے۔ محفوظ ماحول کو برقرار رکھنے کے لیے 600,000 سے 700,000 سیکیورٹی اہلکاروں کی تعیناتی متوقع ہے۔
یہ بھی پڑھیے
امریکا کے ساتھ اقتصادی اور تجارتی محاذوں پر گہرے اور تاریخی تعلقات ہیں، اسحاق ڈار
مزید برآں، عام انتخابات کے دوران تقریباً 1 سے 11 لاکھ انتخابی کارکن اپنے فرائض سرانجام دیں گے۔ ضلعی سطح پر انتخابی عمل کی نگرانی کے لیے مانیٹرنگ افسران تعینات کیے جائیں گے تاکہ شفافیت اور انتخابی ضوابط کی پابندی کو یقینی بنایا جا سکے۔
شفاف کارکردگی کے عمل کو بڑھانے کے لیے الیکشن کمیشن آف پاکستان (ای سی پی) عام انتخابات کے لیے رزلٹ مینجمنٹ سسٹم نافذ کرے گا۔
ای سی پی کے مطابق اس نظام کا مقصد انتخابی نتائج کے جمع کرنے اور ٹیبلیشن کو ہموار کرنا ہے، جس سے نتائج کے تیز اور زیادہ درست اعلان میں سہولت ہو گی۔
