گلگت بلتستان کو پاکستان کا پانچواں اور عارضی صوبہ بنانے کا اعلان

وزیر اعظم عمران خان نے گلگت بلتستان کو صوبائی حیثیت دینے کا اعلان کر دیا

 وزیراعظم  عمران خان نے گلگت بلتستان کوعارضی طور پر صوبائی حیثیت دینے کا اعلان کردیاہے۔

وزیراعظم نے گلگت بلتستان کے 73ویں یوم آزادی پر خصوصی تقریب میں شرکت کی ہے۔ اُنہوں نے یاد گار شہداء پر حاضری دی اور فاتحہ خوانی کی ہے۔

وزیراعظم عمران خان نے اپنے خطاب میں کہاہے کہ گلگت بلتستان کی عوام اوراسکاؤٹس کی قربانیوں سے یہ علاقہ آزاد ہواہے۔

عمران خان نے گلگت بلتستان کی عوام سے وعدہ کیا کہ جب تک وہ وزیراعظم رہیں گے ہر سال یوم آزادی  پر یہاں آئیں گے۔

انہوں نے مزید بتایا کہ اقوام متحدہ کی قرارداد کو مد نظر رکھتے ہوئے گلگت بلتستان کو عبوری صوبائی حیثیت دینے کا فیصلہ کیا گیا۔

وفاقی وزیر برائے سائنس و ٹیکنالوجی فواد چوہدری نے گلگت بلتستان کو صوبائی حیثیت حاصل ہونے پر مبارکباد پیش کی۔

ٹوئٹ کیا کہ عمران خان نے ایک اور وعدہ پورا کردیا۔ اب گلگت بلتستان کو بھی دوسرے صوبوں کی طرح آئینی حقوق حاصل ہوں گے

متعلقہ تحاریر