بختاور بھٹو کے لیے سال 2021 خوشیاں لے آیا

سابق وزیر اعظم بے نظیر بھٹو اور سابق صدر آصف علی زرداری کی صاحبزادی بختاور بھٹو زرداری کے لیے یہ ہفتہ نہایت اہم ہے۔ بختاور کی آج سالگرہ ہے جبکہ اسی ہفتے وہ شادی کے بندھن میں بھی بندھ جائیں گی۔

بے نظیر کی صاحبزادی کے لیے سال 2021 خوشیاں لے آیا ہے۔ پیدائش کا مہینہ شادی کا مہینہ بھی بن جائے گا۔ بختاور بھٹو آج اپنی 31ویں سالگرہ منارہی ہیں۔ اس حوالے سے پاکستان پیپلز پارٹی کے کارکنان نے مختلف شہروں میں سالگرہ کے کیک کاٹے۔

اپنے پیارے دوستوں کے ہمراہ شہید محترمہ بے نظیر بھٹو اور آصف علی زرداری کی بہادر صاحبزادی بی بی #بختاور_بھٹو_زرداری کی 31 ویں سالگرہ کا کیک کاٹ رہے ہیں

بی بی بختاور بھٹو زرداری کو 31 ویں سالگرہ مبارک ہو#HAPPY_BIRTHDAY_BAKHTAWAR_BHUTTO@BBhuttoZardari@BakhtawarBZ @AseefaBZ pic.twitter.com/4aJjD5A5AS

— Syed Aizaz Shah (@azazshahppp) January 24, 2021

رات سماجی رابطوں کی ویب سائٹ ٹوئٹر پر ہیش ٹیگ ہیپی برتھ ڈے بختاور بھٹو زرداری ٹاپ ٹرینڈ کررہا تھا۔

ایک طرف بختاور سالگرہ کی مبارکبادیں وصول کررہی ہیں تو دوسری جانب وہ اپنی شادی کی تیاریوں میں مصروف ہیں۔ گزشتہ روز آصف زرداری کی صاحبزادی کی  شادی کی تقریبات کا آغاز ہوگیا۔ محفل میلاد میں بھٹو اور زرداری خاندان کی خواتین سمیت پیپلز پارٹی کی ارکان قومی و صوبائی اسمبلی بھی شریک ہوئیں۔

 

View this post on Instagram

 

A post shared by Maliha Rehman (@maliharehman1)

بختاور بھٹو کی مہندی کی تقریب 27 جنوری کو جبکہ نکاح 29 جنوری کو ہوگا۔ بے نظیر کی صاحبزادی کی بارات کی تقریب 30 جنوری کو منعقد کی جائے گی۔ اطلاعات کے مطابق کرونا وائرس کے باعث شادی کی تقریب میں صرف  300 مہمانوں کو مدعو کیا گیا ہے۔

یہ بھی پڑھیے

بختاور بھٹو کی منگنی کی تصاویرسوشل میڈیا پر وائرل

 بختاور بھٹو کی منگنی کی تقریب 27 نومبر کو بلاول ہاؤس میں منعقد کی گئی تھی۔

🙏🤲 #officiallyengaged pic.twitter.com/VcqmW2oNJB

— Bakhtawar B-Zardari (@BakhtawarBZ) November 27, 2020

بختاور کے منگیتر کا نام محمود چوہدری ہے جن کا تعلق لاہور سے ہے۔ محمود چوہدری نے ابتدائی تعلیم ابوظبی اور برطانیہ میں جبکہ یونیورسٹی آف ڈرہم سے قانون کی تعلیم حاصل کی ہے۔