ساجد سدپارہ علی ظفر کے مداح ہوگئے
عالمی شہرت یافتہ پاکستانی کوہ پیما لٹل کریم اسکردو اسپتال میں زیر علاج ہیں۔
پاکستانی کوہ پیما محمد علی سدپارہ کے صاحبزادے ساجد علی سدپارہ گلوکار علی ظفر کے مداح ہوگئے ہیں۔ علی ظفر نے بھی سماجی رابطوں کی ویب سائٹ ٹوئٹر پر پیغام میں ساجد علی سدپارہ کی ہمت بڑھائی ہے۔
دنیا کی دوسری بلند ترین چوٹی کے ٹو سر کرنے کی کوشش میں جاں بحق ہونے والے نڈر کوہ پیما محمد علی سدپارہ کو مختلف شخصیات کی جانب سے خراج عقیدت پیش کرنے کا سلسلہ جاری ہے۔ علی ظفر نے پچھلے دنوں ‘پہاڑوں کی قسم’ گا کر بہادر کوہ پیما کو خراج عقیدت پیش کیا تھا۔ جس پر ساجد سدپارہ نے ٹوئٹر پر علی ظفر کا شکریہ ادا کرتے ہوئے لکھا کہ اس گانے کی وجہ سے انہیں اپنے والد کے ادھورے مشن کو پورا کرنے کی ہمت مل رہی ہے۔
I can’t stop listening to this tribute song as it breaks my heart to hundred pieces remembering my hero and then again it fills me with energy to stand up and fulfil his mission. Thank you @AliZafarsays 🙏 pic.twitter.com/g1wWnJ272J
— Sajid Ali Sadpara (@sajid_sadpara) February 20, 2021
علی ظفر نے جواب میں محمد علی سدپارہ کے انتقال پر افسوس کا اظہار کیا اور ان کے مشن کو پورا کرنے کے لیے ساجد علی سدپارہ کو ہر قسم کے تعاون کی یقین دہانی بھی کرائی۔
I am so sorry for your loss. InshAllah you will fulfil his mission. We are all with you in any way you want us. #Alisadapara https://t.co/IuCGBkIoeV
— Ali Zafar (@AliZafarsays) February 20, 2021
ٹوئٹر سمیت مختلف سوشل میڈیا پلیٹ فارمز پر فنکار اپنے فن کے ذریعے بہادر کوہ پیما کو خراج عقیدت پیش کررہے ہیں۔ سیال نامی شخص نے علی سدپارہ کی یاد میں رباب بجایا۔
Paharon ki kasam, a tribute to the legend Muhammad Ali Sadpara. #Alisadapara https://t.co/2Vunb3R16a pic.twitter.com/AbeDQBpxF7
— Siyal (@siyaltunes) February 21, 2021
پشتو میوزک بینڈ ‘خماریاں’ نے بھی علی سدپارہ کو رباب کی دھنوں میں یاد کیا۔
This Rabab tribute by Khumariyaan to Ali Sadpara is perhaps THE best one for him to date – hits you hard – Just beautiful. pic.twitter.com/UczrshRAFU
— Anas Mallick (@AnasMallick) February 21, 2021
یہ بھی پڑھیے
کوہ پیما سرباز خان کا محمد علی سدپارہ کو خراج عقیدت
یہاں یہ بات قابل ذکر ہے کہ گوادر اسٹیڈیم کے پہلے نمائشی میچ کا آغاز بھی علی سدپارہ کے لیے خصوصی دعا سے کیا گیا تھا۔
The world’s most beautiful Gwadar cricket stadium is hosting an exhibition match for the first time. You won’t find another cricket stadium like this on earth.
The 1st ever match at Gwadar Stadium is dedicated to Muhammad Ali Sadpara. #CricketAtGwadar pic.twitter.com/chwuVf0HoN— Elliott Jenson (@EliottJenson) February 19, 2021
علی سدپارہ کی موت کی تصدیق کے بعد دنیا بھر کے لوگوں نے ان کے عظیم کارنامے کو سراہا لیکن اس کے باوجود سال 2021 پاکستانی کوہ پیماؤں کے لیے اچھا ثابت نہیں ہورہا ہے۔
بین الاقوامی شہرت یافتہ پاکستانی کوہ پیما محمد کریم (لٹل کریم) شدید علالت کے باعث اسکردو کے ایک اسپتال میں زیر علاج ہیں۔ صحافی روشن دین دیامیری نے ٹوئٹر پیغام میں حکومت سے ان کی مدد کرنے کی اپیل کی ہے۔
Little Karim is a Pakistani high-altitude porter-turned mountain climber. He not only climbed Gasherbrum II without oxygen, he also scaled Broad Peak twice, and was just 200 meters short of the summit of K-2 when he descended only to save a human life.#GilgitBaltistan
1/1 pic.twitter.com/tL5knSOAG9— Roshan Din Diameri ☢ (@Rohshan_Din) February 20, 2021
واضح رہے کہ لٹل کریم بغیر اضافی آکسیجن کے پاکستان کی بلند ترین چوٹیوں میں شمار کی جانے والی ‘گیشابروم ٹو’ کو سر کرچکے ہیں۔ اس چوٹی کی بلندی 8 ہزار میٹر سے زیادہ ہے۔ لٹل کریم 2 مرتبہ کے ٹو سے 200 میٹر کے فاصلے پر تھے کہ انسانی جان بچانے کی خاطر نیچے اتر آئے۔
