طلباء کی وزیر تعلیم شفقت محمود سے رحم کی اپیل

پاکستان میں کرونا وباء کے باعث بند کیے گئے تعلیمی اداروں میں امتحانات کا اعلان شروع ہوگیا ہے۔ پاکستانی حکومت کے کیمبرج سے مذاکرات کے بعد او لیول کے امتحانات ملتوی ہوگئے ہیں جو 15 مئی کے بعد ہوں گے جبکہ اے اور ایز لیول کے امتحانات دینے والے طلبہ کو کوئی ریلیف نہیں دیا گیا ہے جنہوں نے شفقت محمود سے رحم کی اپیل کی ہے۔

پاکستان میں کرونا وباء کی تیسری لہر کی وجہ سے گذشتہ برس تعلیمی ادارے بند کیے گئے تھے جس کے بعد کئی مرتبہ تعلیمی ادارے کھولنے اور پھر سے بند کرنے کا فیصلہ ہوا تھا۔ تعلیمی اداروں کی بندش کی وجہ سے طلبہ کی تدریس میں کافی نقصان ہوا اور اسی وجہ سے گذشتہ برس کی طرح اس سال بھی امتحانات ملتوی کرنے کا مطالبہ کیا گیا تھا۔

گذشتہ روز بھی پاکستان میں امتحانات ملتوی کرنے سے متعلق ٹوئٹر پر ایک ہیش ٹیگ ’کینسل ایگزامز اِن پاکستان‘ ٹرینڈ کر رہا تھا۔ اس ہیش ٹیگ کا استعمال کرتے ہوئے امتحانات ملتوی کرنے کی اپیل کر رہے تھے۔

تاہم اب سماجی رابطوں کی ویب سائٹ ٹوئٹر پر جاری پیغام میں وفاقی وزیر تعلیم شفقت محمود نے بتایا ہے کہ ’کیمبرج حکام سے بات چیت کے بعد وہ او لیول کے امتحانات 15 مئی کے بعد لینے پر رضامند ہوگئے ہیں۔ جبکہ اے اور ایز لیول کے امتحانات اپنے پرانے شیڈول کے مطابق ہی ہوں گے۔‘

After detailed discussions, Cambridge has agreed to reschedule ‘O’ level exams to after May 15. Details will be shared later by them. However, ‘A’ and ‘As’ level exams will take place as per the original timetable, following all the SOPs. Wishing everyone success in the exams

— Shafqat Mahmood (@Shafqat_Mahmood) March 25, 2021

وفاقی وزیر تعلیم شفقت محمود نے طلبہ کو کرونا وباء سے بچاؤ کے لیے ایس او پیز پر سختی سے عمل کرنے کی ہدایت کی ہے اور اُن کے لیے نیک تمناؤں کا اظہار بھی کیا ہے۔

یہ بھی پڑھیے

پاکستانی طلبہ cancelexamspakistan2021 کیوں چاہتے ہیں؟

شفقت محمود کے اس ٹوئٹ کے بعد ٹوئٹر پر آج بھی ایک ٹرینڈ چل رہا ہے جس میں طلبہ وزیر تعلیم سے رحم کی اپیل کر رہے ہیں۔

کچھ طلبہ نے شفقت محمود کی رہائش گاہ کے باہر احتجاج کرنے کا بھی فیصلہ کیا ہے۔

#شفقت_انکل_رحم_کریں TOMORROW 9AM EVERYONE IN LAHORE PLEASE PARTICIPATE pic.twitter.com/rVXbRpZ2nn

— Abdullah Awais (@abdullahhawais) March 25, 2021

اُدھر نیشنل کمانڈ اینڈ آپریشن سینٹر (این سی او سی) کے مطابق پاکستان میں کرونا وباء کے باعث اموات کی مجموعی تعداد 14 ہزار 91 تک پہنچ گئی ہے اور وباء سے متاثرہ افراد کی مجموعی تعداد 6 لاکھ 45 ہزار 356 ہے۔ اس وقت ملک میں کرونا کے فعال کیسز کی تعداد 40 ہزار 120 ہے جبکہ 5 لاکھ 91 ہزار 145 کرونا کے مریض صحتیاب ہوچکے ہیں۔