شفقت محمود کے امتحانات کے اعلان پر طلباء کا احتجاج
طلباء نے او اور اے لیولز کے امتحانات نہ لینے کا مطالبہ کرتے ہوئے کہا کہ اُنہیں کالج کے نتائج کے مطابق پروموٹ کیا جائے۔
وفاقی وزیر تعلیم شفقت محمود نے بتایا ہے کہ او لیولز کے امتحانات اب 10 مئی سے شروع ہوں گے جس پر امتحانات لیے جانے کی مخالفت کرنے والے طلباء نے نئی تاریخ پر زیادہ شدید احتجاج کیا ہے۔
سماجی رابطوں کی ویب سائٹ ٹوئٹر پر جاری پیغام میں وفاقی وزیر تعلیم شفقت محمود نے کہا ہے کہ ’کیمبرج کے سربراہ کا خط موصول ہوا ہے۔ کرسٹائن اوزڈن نے امتحانات 10 مئی سے لینے کی درخواست کی ہے۔‘
شفقت محمود نے مذید بتایا کہ تمام صوبوں اور اسٹیک ہولڈرز کی مشاورت سے او لیولز کے امتحانات 10 مئی سے لینے پر اتفاق کیا گیا ہے۔
I had received a letter from Christine Ozden, CEO Cambridge requesting that O level/IGCSE exam should be allowed to start fro May 10 instead of May 15. After consultation with provinces/stakeholders we have agreed. Now O level/IGCSE will start from May 10 pic.twitter.com/IZeIYyQfWd
— Shafqat Mahmood (@Shafqat_Mahmood) March 29, 2021
اس سے قبل جمعرات کے روز ایک ٹوئٹ میں شفقت محمود نے بتایا تھا کہ ’کیمبرج حکام سے بات چیت کے بعد وہ او لیولز کے امتحانات 15 مئی کے بعد لینے پر رضامند ہوگئے ہیں۔ جبکہ اے اور اے ایس لیول کے امتحانات اپنے پرانے شیڈول کے مطابق ہی ہوں گے۔‘
After detailed discussions, Cambridge has agreed to reschedule ‘O’ level exams to after May 15. Details will be shared later by them. However, ‘A’ and ‘As’ level exams will take place as per the original timetable, following all the SOPs. Wishing everyone success in the exams
— Shafqat Mahmood (@Shafqat_Mahmood) March 25, 2021
ری شیڈول کیے گئے او لیولز کے امتحانات پہلے 26 مئی کو منعقد ہونے تھے لیکن تعلیمی اداروں کی بندش اور کرونا وباء کے بڑھتے ہوئے کیسز کی وجہ سے ایس او پیز کے ساتھ اے اور او لیولز کے امتحانات بیک وقت لینا ممکن نہیں تھا۔
دوسری جانب پاکستان کے صوبہ خیبرپختونخوا کے دارالحکومت پشاور میں پریس کلب کے باہر امتحانات کے خلاف احتجاج کیا گیا ہے جس میں طلبہ کی بڑی تعداد نے شرکت کی ہے۔ طلبہ نے ’شفقت انکل رحم کریں‘ کے نعرے بلند کیے۔
یہ بھی پڑھیے
طلباء کی وزیر تعلیم شفقت محمود سے رحم کی اپیل
مظاہرین طالب علموں نے او اور اے لیولز کے امتحانات نہ لینے کا مطالبہ کرتے ہوئے کہا ہے کہ ہمیں کالج کے نتائج کے مطابق پروموٹ کیا جائے۔ اس موقع پر طلبہ کا کہنا تھا کہ ’سارا سال تعلیمی ادارے بند اور کھولے جاتے رہے۔ آن لائن کلاسز ہوئیں لیکن نصاب مکمل نہیں ہوا۔‘
پشاور کے علاوہ صوبہ پنجاب کے دارالحکومت لاہور اور صوبہ سندھ کے دارالحکومت کراچی میں طلبہ آج احتجاج کریں گے۔ احتجاج میں امتحانات نہ لینے اور طلباء کو بغیر امتحانات لیے ہی پروموٹ کرنے کا مطالبہ کیا جائے گا۔
