سول ایوی ایشن کی زمین پر بااثر شخصیت کے قبضے کا منصوبہ
ایئرپورٹ سے ملحقہ زمین پر قبروں کی آڑ میں قبضہ کرنے کا منصوبہ بنایا گیا ہے۔
پاکستان کے سب سے بڑے شہر کراچی میں ایئرپورٹ کے نزدیک سول ایوی ایشن کی زمین پر سندھ کی ایک بااثر سیاسی شخصیت نے قبضے کا منصوبہ بنالیا ہے۔
نیوز 360 کے نامہ نگار نے کراچی ایئرپورٹ سے ملحقہ زمین کا دورہ کیا ہے۔ نامہ نگار کی بنائی گئی ویڈیو میں دیکھا جاسکتا ہے کہ ایئرپورٹ کے ساتھ زمین کا ایک بڑا حصہ خالی پڑا ہے۔ ایئرپورٹ سے ملحقہ سول ایوی ایشن کی زمین پر کچھ قبریں بھی دکھائی دے رہی ہیں جبکہ سڑک کنارے دیوار کی تعمیر کا کام بھی جاری ہے۔
یہ بھی پڑھیے
حکومت اور جہانگیر ترین کے درمیان نہلے پہ دہلے کا کھیل جاری
اسی مناسبت سے دنیا نیوز کے معروف اینکر پرسن کامران خان نے سماجی رابطوں کی ویب سائٹ ٹوئٹر پر پیغام جاری کیا ہے جس میں واضح اشارہ ہے کہ ’سندھ کی بااثر سیاسی شخصیت ایئرپورٹ سے ملحقہ سول ایوی ایشن کی زمین پر قبضے کا ارادہ رکھتی ہے اور حوالے سے ضروری اقدامات کرلیے گئے ہیں۔‘
سول ایوی ایشن حکام ارباب اختیار و اقتدار دروازے پیٹ رہے ہیں کراچی میں اعلی ترین سرکاری سرپرستی میں قبضہ مافیا کراچی ائیر پورٹ کی اہم قیمتی زمین پر قبضہ کررہی ہے ڈی سی ملیر کو چھٹی دیکر ڈی سی کورنگی کو کراچی ائیرپورٹ زمین پر قبضہ کرکے اعلی سیاسی شخص کے حوالے کرنا کا حکم ہے
— Kamran Khan (@AajKamranKhan) April 9, 2021
آج کل سپریم کورٹ کا بینچ کراچی میں مختلف غیر قانونی عمارتوں کی تعمیر کے معاملے میں مقدمات کی سماعت کر رہی ہے۔ لیکن اس معاملے میں ابھی وقت ہے کہ یہاں ممکنہ قبضے سے قبل ہی متعلقہ حکام نوٹس لیں اور سرکاری زمین اور عوام کا نقصان ہونے سے بچ جائے۔
