شہباز گل جھوٹ پر مبنی اشتہارات کے خلاف بول پڑے

پاکستان میں اشتہارات میں دکھائی جانے والی مصنوعات حقیقت میں اس سے مختلف ہوتی ہیں۔ زیادہ تر مصنوعات میں اشتہارات میں بتائی گئی خصوصیات شامل نہیں ہوتیں، یا یوں کہہ لیجیے کہ یہ اشتہارات جھوٹ پر مبنی ہوتے ہیں۔ تاہم اب وزیراعظم عمران خان کے معاون خوصی برائے سیاسی روابط ڈاکٹر شہباز گل بھی مصنوعات کے جھوٹ پر مبنی اشتہارات کے خلاف بول پڑے ہیں۔ 

سماجی رابطوں کی ویب سائٹ ٹوئٹر پر جاری پیغام میں وزیراعظم عمران خان کے معاون خوصی برائے سیاسی روابط ڈاکٹر شہباز گل نے لکھا کہ ’پاکستان میں صابن، شیمپو، ڈٹرجنٹ، ہینڈ واش اور ٹوائلٹ کلینر کے 80 فیصد اشتہارات جھوٹ پر مبنی ہیں۔ دعوے دیکھیں تو کوئی صابن یا ہینڈ واش کرونا کو مارتا ہے، کسی شیمپو سے بال گرنا بند ہو جاتے ہیں تو کوئی صابن سب سے لمبے عرصے تک جراثیموں سے دور رکھتا ہے۔‘

پاکستان میں صابن شیمپو ڈٹرجنٹ ہینڈ واش ٹوائلٹ کلینر کے 80% اشتہارات مبالغہ آرائی پر مبنی ہیں۔دعوے دیکھیں توکوئی صابن یا ہینڈ واش کرونا کو مارتا ہے تو کسی شیمپو سے بال گرنا بند ہو جاتے ہیں تو کوئی صابن سب سے لمبے عرصے تک جراثیموں سے دور رکھتا ہے۔@fawadchaudhryاس پر پالیسی ضروری ہے

— Dr. Shahbaz GiLL (@SHABAZGIL) June 5, 2021

یہ بھی پڑھیے

مسابقتی کمیشن کا 4 اداروں کو دھوکہ دہی پر اظہار وجوہ کا نوٹس

ڈاکٹر شہباز گل نے پاکستان کے وفاقی وزیر اطلاعات فواد چوہدری سے درخواست کی کہ وہ اس پر پالیسی بنائیں۔

اس ٹوئٹ کے بعد سے ٹوئٹر صارفین نے ڈاکٹر شہباز گل کی تعریف کی ہے اور انہیں طرح طرح مشورے بھی دیے ہیں۔ جبکہ کچھ صارفین نے ان کا مذاق بنایا ہے۔

ملائیشیا کی طرح ایک ادارہ ہونا چاہیے، جہاں سے تمام لیبل اور سائن بورڈ کے ڈیزائن، الفاظ کی اجازت ملے۔ ایک کاپی ادارے کے پاس اور ایک دستخط شدہ کاپی مینو فیکچرر کے پاس۔
سب آن لائن اور آسان ہو نا کہ ایک سائن بورڈ کی اجازت کے لیے وکیل یا ایجنٹ کرنا پر جائے ۔

— Gulman GuL (@gul_gulman) June 6, 2021

ڈاکٹر صاحب سب شاہ عالم مارکیٹ لاہور میں تیار ہو رہا ہے اور کوئی پوچھنے والا نہیں
ان لوگوں نے جو ان چیزوں کے فوائد لکھے ہوتے ہیں یقین مانیںے اس کا الٹ ہی ہوتا ہے
یعنی بال بڑھنے کی بجائے گرنے لگ جاتے ہیں اور سکن اچھی ہونے کی بجائے خراب ہو جاتی ہے وغیرہ وغیرہ

— Khurram Salam (@PROPaki8) June 5, 2021

Gill shb koi ghalat product to nai use kar bethay ap?? 😂

— Faseeh Hassan (@eisenhiem_10) June 5, 2021

شکر ہے پہلی بار آپ نے بھی کوئی سمجھداری کی بات کی ۔۔۔ اسی لئے کہتے ہیں مایوسی گناہ ہے

— Moosa (@Dr_Moosa1) June 5, 2021

یاد رہے کہ رواں برس کمپیٹیشن کمیشن آف پاکستان (سی سی پی) نے یونی لیور پاکستان لمیٹڈ کو گمراہ کن اور جھوٹ پر مبنی اشتہارات پر نوٹس جاری کیا تھا۔ یونی لیور پاکستان اپنی مصنوعات لائف بوئے صابن اور ہینڈ واش کے اشتہار میں دعویٰ کررہا ہے کہ لائف بوائے 10 سیکنڈز میں 99.9 کو ختم کرتا ہے۔