کراچی کا کچرا سندھ حکومت نہیں بین الاقوامی ادارے اٹھائیں گے

کراچی کا کچرا سندھ حکومت کے لیے درد سر بنتا جارہا ہے۔ کراچی کے ضلع کورنگی اور ضلع وسطی کی صفائی کے لیے سندھ حکومت ، چینی اور ہسپانوی کمپنیوں کے درمیان 10 سالہ معاہدہ طے پا گیا ہے۔

سندھ سالڈ ویسٹ مینجمنٹ ، چینی اور ہسپانوی کمپنی کے درمیان دو الگ الگ معاہدے طے پائے ہیں۔ جن کمپنوں سے معاہدہ طے پایا ہے ان میں چینی کمپنی میسرز گنسو اور ہسپانوی کمپنی میسرز اربسر شامل ہیں۔

یہ بھی پڑھیے

عیدالاضحیٰ اور کرونا ڈیلٹا ویرینٹ، کراچی والے ہوشیار ہو جائیں

معاہدے کے مطابق چینی کمپنی میسرز گنسو کنسٹرکشن ہیوی انڈسٹری ٹیکنالوجی کمپنی لمیٹڈ کچرے سے بجلی پیدا کرنے کا 40 میگا واٹ کا پلانٹ لگائے گی۔

CM Murad Ali Shah along with others witnesses signing ceremony between Sindh Solid Waste Management Board (SSWMB) and Spanish firm, M/s Urbaser to start & Management Board (SSWMB) and Chinese firm, M/s Gansu to start solid waste management operation in district Korangi. pic.twitter.com/fvYWCoPLyv

— CMHouseSindh (@SindhCMHouse) July 19, 2021

سندھ سولڈ ویسٹ مینجمنٹ اور ہسپانوی کمپنی میسر اربسر کے درمیان طے پانے والے معاہدے کے مطابق کمپنی ضلع وسطی سے کچرا اٹھانے کا کام کرے گی۔

معاہدے کے مطابق چینی اور ہسپانوی کمپنیاں کورنگی اور سینٹرل اضلاع سے 3 ہزار 500 ٹن کچرا اٹھائے گی۔

واضح رہے کہ گزشتہ روز چینی کمپنی اور ہسپانوی کمپنی کے درمیان معاہدہ وزیراعلیٰ سندھ سید مراد علی شاہ کی زیر صدارت ہونے والے اجلاس میں طے پایا تھا۔ سندھ سالڈ ویسٹ مینجمنٹ ، چینی اور ہسپانوی کمپنیوں نے دو الگ الگ ایم او یوز سائن کیے تھے۔

اجلاس میں وزیر بلدیات سید ناصر حسین شاہ، مشیر قانون اور ترجمان سندھ حکومت مرتضیٰ وہاب ، کمشنر کراچی نوید شیخ ، ایڈمنسٹریٹر کراچی میٹروپولیٹن کارپوریشن لئیق احمد اور اسپیشل سیکریٹری لوکل گورنمنٹ خالد چاچڑ نے شرکت کی، جبکہ چینی کمپنی کے سی ای او مسٹر لیو ڈونگوی، چیف ایگزیکٹو آفیسر گنسو پاکستان لیو تاؤ، ایم ڈی سندھ ویسٹ مینجمنٹ بورڈ زبیر چنہ اور ہسپانوی کمپنی اربسر کی جانب سے جمائم مارٹن نے شرکت کی۔ اجلاس میں چین کے قونصل جنرل لی بی جیان نے خصوصی شرکت کی۔

معاہدے کے حوالےسے تفصیلات بتاتے ہوئے ترجمان سندھ حکومت بیرسٹر مرتضیٰ وہاب نے کہا ہے کہ اب کراچی کے تمام اضلاع سے ایک یونیفارم پالیسی کے تحت کچرا اٹھانے کا آغاز کیا جائے گا۔

Agreement for solid waste collection in Districts Central & Korangi respectively have been signed with a Spanish & Chinese company respectively. Now all districts of #Karachi will have a uniform system of waste collection & these companies will start operations in a months time

— Murtaza Wahab Siddiqui (@murtazawahab1) July 19, 2021

انہوں نے کہا کہ کراچی کے کے ضلع وسطی اور کورنگی میں سالڈ ویسٹ مینجمنٹ کے زیر انتظام کچرا اٹھانے کے لئے ہسپانوی کمپنی اور چینی کمپنی سے مفاہمتی یادداشت پر دستخط ہو گئے ہیں۔

ترجمان سندھ حکومت بیرسٹر مرتضٰی وہاب نے ضلع وسطی و کورنگی میں کچرا اُٹھانے کیلئے ہسپانوی اور چینی کمپنی سے معاہدہ پر اظہار مسرت کرتے ہوئے کہا کہ ضلع وسطی اور کورنگی میں سالڈ ویسٹ مینجمنٹ کے تحت کچرا اُٹھانے کا آغاز اسی ماہ میں ہوگا۔

انہوں نے مزید کہا کہ ضلع وسطی سے ہسپانوی کمپنی اور ضلع کورنگی سے چینی کمپنی سے کچرا اُٹھانے کا معاہدہ ہوا ہے جس کے نتیجے میں شہر میں صفائی ستھرائی کا کام سائنٹفک خطوط پر منظم کیا جائے گا۔