کیا ایک اور لڑکی نور مقدم بننے سے بچ گئی؟
ویشاہ کے مطابق جو نور مقدم کے ساتھ ہوا وہ میرے ساتھ بھی ہورہا تھا لیکن میں ایک جانور کے قبضے سے فرار ہوگئی
پاکستان میں گھریلو تشدد اور غیرت کے نام پر خواتین کے قتل کی وارداتوں میں اضافہ دیکھنے میں آرہا ہے۔ اسلام آباد میں نور مقدم کے قتل کے بعد ویشاہ ابوبکر نے سماجی رابطوں کی ویب سائٹ ٹوئٹر پر اپنی کہانیاں بیان کردی۔
پچھلے کچھ عرصے سے پاکستان میں گھریلو تشدد، خواتین کے جائیداد مانگنے پر جھگڑے اور غیرت کے نام پر خواتین کے قتل کے واقعات میں اضافہ ہورہا ہے۔ نور مقدم قتل کیس کے پرچار اور ملزم کے حراست میں لیے جانے پر مظلوم خاتون ویشاہ کی ہمت بڑھی اور انہوں نے اپنی کہانی سوشل میڈیا پر بیان کردی۔
ویشاہ ابوبکر نے ٹوئٹر پیغام میں لکھا کہ جو کچھ نور مقدم کے ساتھ ہوا وہ ان کے ساتھ بھی ہورہا تھا لیکن وہ فرار ہوکر دبئی پہنچ گئیں۔ ویشاہ نے کہا کہ ان کے شوہر کی جانب سے انہیں تاحال قتل کرنے کی کوششیں کی جارہی ہیں۔
Dear Noor, rest in peace. I can see same happening with me very soon. But noor just like you I won’t give in to these animals. In my case FIA cyber crime is not arresting shahzawar bugti on purpose.They’ve been bribed plus they don’t care if he leaked my pictures.Bcz I’m a Female
— Wishah.Abubakr (@WishahAbubakr) July 25, 2021
یہ بھی پڑھیے
اسلام آباد میں جرائم کی وارداتیں انتظامیہ کے لیے سوالیہ نشان
ویشاہ کے مطابق ان کے شوہر شاہ زوار نے ان کی تصاویر سوشل میڈیا پر وائرل کرنے کی دھمکیاں بھی دی ہیں۔ انہوں نے الزام لگایا کہ ایف آئی اے کو درخواست دینے کے باوجود افسران ملزم کو گرفتار کرنے کے لیے رشوت مانگ رہے ہیں۔ خاتون کا کہنا ہے کہ اگر وہ اپنے شوہر کے پاس گئیں تو اسے بھی نور مقدم کی طرح قتل کردیا جائے گا۔ سوشل میڈیا صارفین ویشاہ کو حکومت سے انصاف دلوانے کا مطالبہ کررہے ہیں۔ صارف عثمان علی شاہ نے لکھا کہ ایک عورت اپنے تحفظ کا مطالبہ کررہی ہے لیکن کوئی اس کا سہارا نہیں بن رہا۔ ایف آئی اے کو نوٹس لینا چاہیئے۔
Curse upon the system where a women is shouting for justice & no one is even paying a little heed. FIA should take notice and investigate this case. PM should take notice on it. What is this country where fear is spreading day by day.
— Usman Ali Shah (@usmanalishah___) July 26, 2021
ایک اور صارف ماہم نے لکھا کہ ہم امید کرتے ہیں کہ آپ قرت العین اور نور مقدم نہیں بنیں گی اور آپ کو انصاف ملے گا۔
Curse upon the system where a women is shouting for justice & no one is even paying a little heed. FIA should take notice and investigate this case. PM should take notice on it. What is this country where fear is spreading day by day.
— Usman Ali Shah (@usmanalishah___) July 26, 2021
واضح رہے کہ کچھ روز قبل حیدرآباد میں 4 بچوں کی ماں قرت العین کو اس کے شوہر نے تشدد کا نشانہ بناکر قتل کردیا تھا۔ عید سے ایک دن قبل اسلام آباد میں نور مقدم کا گلا کاٹ کر قتل کردیا گیا تھا۔
